మట్టినే నమ్ముకుని ప్రజానీకానికి పట్టెడు అన్నం పెట్టే అన్నదాతలు.. ఆరుగాలం చేసిన కష్టం పంట రూపంలో నోటి కందే టైంకు “మొంథా తుఫాన్” నీటి పాలు చేసింది. తినడానికి తిండి లేని దుస్థితి, అప్పుల వాళ్ళకు మొఖం చూపించలేని దీనస్థితి.. ఈ పచ్చి నిజం పాలకులకు తెలుసు.. అయినా కంటి తుడుపు చర్యలే! ప్రపంచానికి ముఖం చూపించలేక తలుపులు వేసుకొని ఏడుస్తున్నరు రైతులు. మట్టిని నమ్ముకున్నోళ్ళ బతుకు మట్టిపాలాయే? ప్రకృతి ప్రకోపమో, పాలకులు నిర్లక్ష్యమో.. విసిగి వేసారి భరించలేని అన్నదాత ! కాడి మేడి వదిలేస్తే! అన్నమో రైతన్న అంటూ అలమటిస్తారు? అన్నదాతల బతుకులు బాగుపడితేనే జాతికి మెతుకులు.. పాలకులు మేల్కొనకుంటే జాతి భవిత ముమ్మాటికి మట్టి పాలే..
- మేదాజీ