- పిల్లలకు చందా ఇవ్వడం ఎంతో ఆనందాన్ని ఇస్తుందన్న స్వర్ణకారుల సంఘం ఉపాధ్యక్షుడు
వినాయక చవితి(Vinayaka Chavithi) నవరాత్రి ఉత్సవాల సందర్భంగా పట్టణంలోని వివిధ ప్రాంతాల్లో చిన్నారులు అత్యంత భక్తిశ్రద్ధలతో ప్రతిష్టించిన బాల వినాయక మండపాలకు ప్రముఖ వ్యాపారి, సామాజిక సేవకుడు మామిడి రాజు(Mamidi Raju) ఉదారంగా ఆర్థిక సాయం (చందా) అందజేశారు. గాంధీ చౌక్లో బంగారు వ్యాపారం నిర్వహిస్తున్న ఆయన, మాజీ ఎమ్మెల్యే జగ్గారెడ్డి వీరాభిమానిగా, పట్టణ స్వర్ణకారుల సంఘం ఉపాధ్యక్షుడిగా బాధ్యతలు నిర్వర్తిస్తున్నారు.
ఈ సందర్భంగా మామిడి రాజు మాట్లాడుతూ…
“చిన్ననాటి నుంచే భక్తిభావంతో, ఎంతో ఉత్సాహంగా వినాయక మండపాలు ఏర్పాటు చేస్తున్న చిన్నారులను చూస్తుంటే ముచ్చటేస్తోంది. పండుగ నిర్వహణ కోసం అలాంటి పిల్లలకు చందా రూపంలో చేతనైన ఆర్థిక సాయం అందించడం నాకు చెప్పలేనంత ఆనందాన్ని, మానసిక సంతృప్తిని ఇస్తుంది” అని సంతోషం వ్యక్తం చేశారు. మన సంస్కృతీ సంప్రదాయాలను ముందుతరాలకు తీసుకెళ్తున్న భావి భారత పౌరులైన చిన్నారులను ప్రతి ఒక్కరూ వెన్నుతట్టి ప్రోత్సహించాలని ఆయన పిలుపునిచ్చారు.(https://epaper.aadabhyderabad.in/)
బాలల్లో ఉత్సాహం నింపుతూ ప్రతి ఏటా వారికి అండగా నిలుస్తున్న మామిడి రాజును స్థానిక కాలనీవాసులు, పెద్దలు ఘనంగా అభినందించారు.