భారీ అంచనాల మధ్య తెరకెక్కుతోన్న పాన్ ఇండియా యాక్షన్ థ్రిల్లర్ ‘ఓం: చాప్టర్ 1 – రుధిరం: ది బ్లడ్ వుడ్’(OM: Chapter 1) సినిమాను తెలుగు ప్రేక్షకుల ముందుకు తీసుకొచ్చేందుకు ప్రముఖ నిర్మాణ సంస్థ సితార ఎంటర్‌టైన్‌మెంట్స్ సిద్ధమైంది. నవంబర్ 20న ఈ సినిమాను గ్రాండ్‌గా థియేటర్లలో విడుదల చేయనుంది.
జాతీయ అవార్డులు అందుకున్న వెర్సటైల్ స్టార్ ధనుష్, మలయాళ మెగాస్టార్ మమ్ముట్టి ప్రధాన పాత్రల్లో నటిస్తోన్న ఈ సినిమాలో సాయి పల్లవి, శ్రీలీల, నజీరుద్దీన్ షా, ఇంద్రన్స్, చైతు జొన్నలగడ్డ కీలక పాత్రల్లో కనిపించనున్నారు. అమరన్ సినిమాతో మంచి గుర్తింపు తెచ్చుకున్న డైరెక్టర్ రాజ్‌కుమార్ పెరియసామి ఈ చిత్రానికి కథ అందించడంతో పాటు దర్శకత్వం వహిస్తున్నారు. ఆసక్తికరమైన కథ,కథనాలు, అద్భుతమైన నటన, హైఓల్టేజ్ యాక్షన్ సన్నివేశాలతో రూపొందిన ఈ సినిమా ప్రేక్షకులకు సరికొత్త సినిమాటిక్ అనుభూతిని అందించనుంది.
ఈ సినిమాకు మ్యూజిక్ సెన్సేషన్ సాయి అభ్యంకర్ సంగీతం అందిస్తున్నారు. ఎళిల్ అరసు కె. సినిమాటోగ్రాఫర్‌గా, ఆర్. కళైవానన్ ఎడిటర్‌గా, ఎ. పన్నీర్ సెల్వం ఆర్ట్ డైరెక్టర్‌గా పనిచేస్తున్నారు. యానిక్ బెన్, కేచా కంపక్డీ యాక్షన్ కొరియోగ్రఫీ బాధ్యతలు నిర్వహిస్తున్నారు.
వండర్‌బార్ ఫిల్మ్స్, ఆర్‌టేక్ స్టూడియోస్ బ్యానర్స్‌పై ధనుష్, శ్రద్ధా అగర్వాల్, అజ్మత్ జగ్మగ్ ఈ చిత్రాన్ని నిర్మిస్తున్నారు. నవంబర్20న ఈ సినిమా ప్రపంచవ్యాప్తంగా భారీ స్థాయిలో థియేటర్లలో విడుదల కానుంది.
తెలుగు ప్రేక్షకులకు వైవిధ్యమైన సినిమాలను అందించడంలో ముందుండే సితార ఎంటర్‌టైన్‌మెంట్స్.. గతంలో ‘లోకా: చాప్టర్ 1 – చంద్ర’, సూపర్‌స్టార్ రజనీకాంత్ నటించిన ‘జైలర్ 2’ చిత్రాలను తెలుగులో డిస్ట్రిబ్యూట్ చేసి మంచి విజయాలను అందుకుంది. ఇప్పుడు ‘ఓం: చాప్టర్ 1’(OM: Chapter 1) సినిమాతో మరో భారీ చిత్రాన్ని తెలుగు ప్రేక్షకుల ముందుకు తీసుకొస్తుంది.
‘ఓం: చాప్టర్ 1 – ఉధిరం: ది బ్లడ్ వుడ్’ నవంబర్ 20న గ్రాండ్ రిలీజ్(https://epaper.aadabhyderabad.in/)(Youtube)