- మధ్యతరగతి కుటుంబాలకు అణువు..
- మెరుగైన ఫీచర్లను అందించే కంపెనీలు..
మారుతీ సుజుకి, టాటా, హ్యుండై, నిసాన్ వంటి కంపెనీలు ఈ ధరల విభాగంలో విభిన్న మోడళ్లను అందిస్తున్నాయి. వీటిలో కొన్ని చిన్న కుటుంబాలకు అనువుగా ఉంటే, మరికొన్ని ఎక్కువ స్థలం, మెరుగైన ఫీచర్లు కోరుకునేవారికి సరిపోతాయి. ఈ కార్ల ప్రారంభ ఎక్స్‌షోరూమ్ ధరలు సుమారు రూ.3.70 లక్షల నుంచి మొదలవుతున్నాయి. అయితే మెయింటెనెన్స్ ఖర్చు కారు మోడల్, వినియోగం, ప్రయాణించే దూరం, సర్వీసింగ్ అవసరాలను బట్టి మారుతుందని గుర్తుంచుకోవాలి.
మారుతి సుజుకి ఆల్టో కె 10 :
తక్కువ బడ్జెట్‌లో కారు(Budget Cars) కొనాలనుకునేవారికి ఆల్టో కే 10 మంచి ఎంపిక. చిన్న హ్యాచ్‌బ్యాక్ కావడంతో సులభంగా డ్రైవ్ చేయవచ్చు. దీని సింపుల్ మెకానికల్ సెటప్ వల్ల సాధారణ సర్వీసింగ్ ఖర్చులు తక్కువగా ఉండే అవకాశం ఉంది. అందుబాటులో ఉన్న సమాచారం ప్రకారం ఐదేళ్ల కాలంలో రెగ్యులర్ సర్వీసింగ్‌కు సుమారు రూ.15,000 ఖర్చవుతుంది. టైర్లు, పెద్ద మరమ్మతులు ఇందులో కలపలేదు. దీని ప్రారంభ ధర రూ.3.70 లక్షలు కాగా, టాప్ వేరియంట్ ధర రూ.5.45 లక్షల వరకు ఉంది.
మారుతీ సుజుకి వాగన్ ఆర్ :
ఎక్కువ స్థలం కావాలనుకునే కుటుంబాలకు వాగన్ ఆర్ అనువైన కారు. పొడవైన డిజైన్ వల్ల క్యాబిన్‌లో మంచి హెడ్‌రూమ్, లగేజ్ స్పేస్ లభిస్తాయి. కే సీరీస్ ఇంజిన్‌తో వచ్చే ఈ కారు కోసం కంపెనీకి విస్తృత సర్వీస్ నెట్‌వర్క్ ఉంది. యజమానుల నివేదికల ప్రకారం ఏడాదికి సాధారణ సర్వీసింగ్ ఖర్చు సుమారు రూ.3,600గా ఉండవచ్చు. దీని ప్రారంభ ధర రూ.4.99 లక్షలు కాగా, టాప్ వేరియంట్ ధర రూ.7.24 లక్షలు.
టాటా టైగో :
బలమైన నిర్మాణం, సేఫ్టీ ఫీచర్లు, సౌకర్యవంతమైన ప్రయాణం కోరుకునేవారు టాటా టైగోను పరిశీలించవచ్చు. అయితే కారు బాడీ దృఢంగా ఉందని మరమ్మతుల ఖర్చు ఉండదని భావించకూడదు. విడిభాగాలు, టైర్లు, ఇతర కాంపోనెంట్ల మార్పుకు ఖర్చు పెరగవచ్చు. దీని ప్రారంభ ధర రూ.4.77 లక్షలు కాగా, టాప్ వేరియంట్ ధర రూ.8.62 లక్షల వరకు ఉంది.
మరో రెండు ఆప్షన్లు :
హ్యుండై గ్రాండ్ ఐ 10 నియోస్ :
సౌకర్యవంతమైన క్యాబిన్, స్మూత్ ఇంజిన్, మంచి ఫీచర్లు కోరుకునేవారికి ఈ కారు సరిపోతుంది. దేశవ్యాప్తంగా ఉన్న హ్యుండై సర్వీస్ నెట్‌వర్క్ వల్ల రెగ్యులర్ సర్వీసింగ్ సులభంగా చేయించుకోవచ్చు. కంపెనీ సర్వీస్ ప్యాకేజీలతో నిర్వహణ ఖర్చులను కూడా నియంత్రించవచ్చు. దీని ప్రారంభ ఎక్స్‌షోరూమ్ ధర రూ.5.60 లక్షలు కాగా, టాప్ వేరియంట్ ధర రూ.8.09 లక్షలు.
నిస్సాన్ మాగ్నైట్ :
హ్యాచ్‌బ్యాక్ కంటే ఎస్ యూ వీ తరహా డిజైన్, ఎక్కువ గ్రౌండ్ క్లియరెన్స్ కోరుకునేవారికి నిస్సాన్ మాగ్నైట్ ఒక ఆప్షన్. అందుబాటులో ఉన్న సమాచారం ప్రకారం దీని వార్షిక సాధారణ సర్వీసింగ్ ఖర్చు సుమారు రూ.3,200 ఉండవచ్చు. అయితే ఇది అంచనా మాత్రమే. సర్వీస్ సెంటర్, కారు వినియోగం, మరమ్మతుల ఆధారంగా ఖర్చు మారుతుంది. దీని ప్రారంభ ధర రూ.5.68 లక్షలు కాగా, టాప్ వేరియంట్ ధర రూ.11.16 లక్షలు. కాబట్టి అన్ని వేరియంట్లు రూ.10 లక్షల బడ్జెట్‌లోకి రావు.(https://epaper.aadabhyderabad.in/)(Youtube)