కుమురం భీం ఆసిఫాబాద్ జిల్లాలోని కేరిమెరి మండలం కోట పరందోలి గ్రామంలో పవిత్ర పుణ్యక్షేత్రం జంగుబాయి(Jangubai) ఉత్సవాలు అత్యంత వైభవంగా జరుగుతున్నాయి. ఈ వేడుకల్లో జిల్లా కలెక్టర్ వెంకటేష్ దొత్రే, ఆసిఫాబాద్ ఎమ్మెల్యే కోవ లక్ష్మి(Kova Lakshmi), ఎంపీ గోడం నగేష్(MP Godam Nagesh), అదనపు కలెక్టర్ దీపక్ తివారి పాల్గొని ప్రత్యేక పూజలు నిర్వహించారు. ఆదివాసీల ఆరాధ్య దైవం(Tribals Deity) జంగుబాయి అమ్మవారిని దర్శించుకొని ప్రజలందరూ సుఖసంతోషాలతో ఉండాలని, ఉత్సవాలకు వచ్చే భక్తులకు ఎలాంటి ఇబ్బందులు కలగకుండా పకడ్బందీ ఏర్పాట్లు చేయాలని ఎమ్మెల్యే.. అధికారులకు సూచించారు. ఈ కార్యక్రమంలో బీఆర్ఎస్ పార్టీ రాష్ట్ర నేతలు(BRS Pary Leaders) మర్సకోల సరస్వతి, పలువురు అధికారులు, వివిధ పార్టీల నాయకులు, ఆదివాసీ సంఘాల పెద్దలు తదితరులు పాల్గొన్నారు.
- Advertisement -