Disability Welfare | తెలంగాణ వికలాంగుల హక్కుల సాధన సమితి

• నూతన సంవత్సర శుభాకాంక్షల భేటీ

తెలంగాణ వికలాంగుల హక్కుల సాధన సమితి ఆధ్వర్యంలో షెడ్యూల్డ్ కులాలు, షెడ్యూల్డ్ తెగలు, వికలాంగుల సంక్షేమ శాఖ మంత్రి అడ్లూరి లక్షణ్ కుమార్ నివాసం వద్ద భేటీ జరిగింది. నూతన సంవత్సర శుభాకాంక్షలు తెలుపుతూ తెలంగాణలో వికలాంగులు ఎదుర్కొంటున్న సమస్యలను వివరించారు. వికలాంగులకు అవసరమైన అంశాలపై వినతి పత్రాన్ని మంత్రికి సమర్పించారు.

వినతి పత్రంలో ముఖ్యంగా కోరిన అంశాలు ఇవీ:

1. వికలాంగుల పింఛన్‌ను ఆరు వేల రూపాయలకు పెంపు
2. రాష్ట్ర రవాణా సంస్థ బస్సుల్లో ఉచిత ప్రయాణ సౌకర్యం
3. పొరుగు రాష్ట్రాల మాదిరిగా స్థానిక సంస్థల్లో వికలాంగులకు అవకాశాలు
4. తీవ్ర వైకల్యం ఉన్న వ్యక్తుల కోసం పునరావాస కేంద్రాల ఏర్పాటు
5. కర్ణాటక రాష్ట్ర విధానాన్ని అనుసరించి విద్యలో పది శాతం రిజర్వేషన్, ప్రైవేటు సంస్థల్లో ఐదు శాతం ఉద్యోగాలు
6. మహారాష్ట్ర రాష్ట్రంలో అమలులో ఉన్న చట్టం తొంభై రెండు సెక్షన్ ప్రకారం ప్రత్యేక ప్రభుత్వ ఉత్తర్వులు
7. సంక్షేమ శాఖలో జిల్లాల వారీగా స్వతంత్ర అధికారి పదవుల ఏర్పాటు
8. ఆంధ్రప్రదేశ్ రాష్ట్రంలో అమలైన విధానాల తరహాలో ముఖ్యమంత్రి రేవంత్ రెడ్డి ప్రత్యేక వరాల ప్రకటన
9. జిల్లాల్లో ఇందిరమ్మ ఇళ్ల కేటాయింపులో ఐదు శాతం వికలాంగులకు అమలు
10. చట్ట సలహా సంఘాన్ని వెంటనే ఏర్పాటు చేసి చట్టంలోని అన్ని హక్కుల అమలు
11. అన్ని శాఖల్లో నాలుగు శాతం ఉద్యోగాల భర్తీ, పదోన్నతుల్లో కూడా అదే నిబంధన అమలు

ఈ కార్యక్రమంలో రాష్ట్ర అధ్యక్షులు కిరణ్ గుత్తికొండ, కార్యదర్శి మెరుగు శివక్రిష్ణ, గౌరవ అధ్యక్షులు బండ జగన్ పాల్గొన్నారు. నాగరాజు, నరేష్, పాండు, రంజిత్, శివశంకర్, నిఖిత హాజరయ్యారు.