ప్రముఖ రియల్ ఎస్టేట్ సంస్థ రాజపుష్ప, ఉస్మాన్ నగర్లో తెలంగాణ రాష్ట్ర పారిశ్రామిక మౌలిక సదుపాయాల సంస్థ (TGIIC) నిర్వహించిన భూ వేలంలో 10.09 ఎకరాల విస్తీర్ణం కలిగిన ప్లాట్ నంబర్ 1ను విజయవంతంగా దక్కించుకుంది. ఈ వేలంలో ప్లాట్ నంబర్ 1, 6తో పాటు పలు భూములను అమ్మకానికి ఉంచగా, ప్లాట్ 1ను రాజపుష్ప దక్కించుకుంది. ఈ స్థలం కంపెనీకి చెందిన ప్రతిష్టాత్మక ప్రాజెక్ట్ ‘రాజపుష్ప లైఫ్ స్టైల్ సిటీ’కి ఆనుకునే ఉంది. 400 ఎకరాలకు పైగా విస్తీర్ణంలో నిర్మిస్తున్న ఈ భారీ ఇంటిగ్రేటెడ్ టౌన్షిప్ పక్కనే కొత్త స్థలాన్ని సొంతం చేసుకోవడం ద్వారా, ఈ ప్రాంతంలో తన అభివృద్ధి ప్రణాళికలను రాజపుష్ప మరింత బలోపేతం చేసింది.
తాజా పరిణామంపై రాజపుష్ప రెసిడెన్షియల్ విభాగానికి నేతృత్వం వహిస్తున్న ఆ సంస్థ డైరెక్టర్ భరత్ రాజ్ రెడ్డి మాట్లాడుతూ: “ఈ భూమి మా 400 ఎకరాలకు పైగా విస్తీర్ణంలో ఉన్న టౌన్షిప్కు ఒక ముఖ్యమైన ముఖద్వారంగా నిలుస్తుంది. మేము ఇక్కడ ఒక ప్రీమియం రిటైల్ మాల్ మరియు గేటెడ్ రెసిడెన్షియల్ కమ్యూనిటీతో కూడిన మిక్స్డ్-యూజ్ డెవలప్మెంట్ను ప్లాన్ చేస్తున్నాము. ఇది రాజపుష్ప లైఫ్ స్టైల్ సిటీ యొక్క మొత్తం ఎకోసిస్టమ్ను మరింత మెరుగుపరుస్తుంది.” అని పేర్కొన్నారు. ఈ స్థలం మొత్తం విలువ సుమారు 517 కోట్లు కాగా, అంటే ఎకరానికి దాదాపు రూ.51.25 కోట్లు వెచ్చించారు. హైదరాబాద్లో భారీ స్థాయి ఇంటిగ్రేటెడ్ లైఫ్స్టైల్ గమ్యస్థానాలను నిర్మించాలనే రాజపుష్ప నిబద్ధతలో ఈ కొనుగోలు మరో కీలక అడుగు.