నవంబర్ వరకు ఉన్న వివరాల వెల్లడి
ఆంధ్రప్రదేశ్ ప్రభుత్వం GST2.0 సంస్కరణల ప్రభావాన్ని సమర్థవంతంగా ఎదుర్కొంది. 2025 నవంబర్ వరకు నికర GST వసూళ్లలో 5.80% వృద్ధిని నమోదుచేసింది. ఈ పురోగతి 2025లో రాష్ట్రంలో పెరిగిన ఆర్థిక కార్యకలాపాలు, పన్ను చెల్లింపుదారుల్లో కట్టుదిట్టమైన అనుసరణ, అమలు చర్యల వల్ల సాధ్యమైంది. అయితే.. రాష్ట్రం 2025 నవంబర్లో మోస్తరు GST వసూళ్లను నమోదు చేసింది. దీనికి కారణం 22-09-2025 నుంచి అమల్లోకి వచ్చిన GST 2.0 రేటు తగ్గింపులు. ఆటోమొబైల్, సిమెంట్, FMCG, వినియోగదారుల ఎలక్ట్రానిక్స్, పాడి ఉత్పత్తులు, ఇతరాల రేట్లు తగ్గించారు.
అలాగే.. జీవ/వైద్య, Compensation Cessని పొగాకు ఉత్పత్తులు మినహా చాలా అంశాలపై రద్దు చేశారు. 2025 నవంబర్ వసూళ్లు ప్రధానంగా 2025 అక్టోబర్ నెల వ్యాపార లావాదేవీలకు సంబంధించినవి.
విభాగాల వారీగా ఆదాయం తగ్గినా (ప్రొఫెషన్ టాక్స్ మినహా) కట్టుదిట్టమైన అనుసరణ చర్యలు, రేట్ల తగ్గింపు కారణంగా పెరిగిన లావాదేవీల వాల్యూమ్ మొత్తం ఆదాయ లక్ష్యంలోని 74% చేరుకునేందుకు దోహదం చేశాయి.
GST ఆదాయ ప్రదర్శన
2025 నవంబర్లో నికర GST వసూళ్లు రూ.2,697 కోట్లు. ఇది ఏడాదికి పైగా 4.60% తగ్గుదల.
మొత్తం కమర్షియల్ ట్యాక్స్ రెవెన్యూ (ఇతర చట్టాలు సహా) రూ.4,124 కోట్లు. ఏడాదికి పైగా 3.17% తగ్గుదల.
సంస్కరణల మార్పుల సమయంలో అమలు చర్యలు రెవెన్యూ స్థిరత్వాన్ని ప్రతిబింబిస్తున్నాయి.
విభాగాల వారీగా తగ్గుదల కారణాలు
1) SGST తగ్గుదల
SGST ఆదాయం రూ.1,109.17 కోట్లు. 2024 నవంబర్లోని రూ.1,197.14 కోట్లతో పోలిస్తే 7.35% తగ్గుదల. ఇది GST2.0 రేట్ తగ్గింపుల కారణంగా ఆటోమొబైల్, సిమెంట్, FMCG, ఎలక్ట్రానిక్స్, పాల ఉత్పత్తులపై తక్కువ రేట్ల ప్రభావం. వాల్యూమ్ పెరిగినప్పటికీ తక్కువ రేట్ల వల్ల మొత్తం ఆదాయం తగ్గింది.
2) IGST సెటిల్మెంట్ తగ్గుదల
IGST సెటిల్మెంట్ రూ.1,630.10 కోట్ల నుంచి రూ.1,588.15 కోట్లకు 2.57% తగ్గుదల. దీనికి SGST ITC సర్దుబాట్లు రూ.114 కోట్లు పెరగడం (ఆటోమొబైల్ తయారీదారులపై IGST బాధ్యతలకు సంబంధించి), రూ.74 కోట్లు IGST రివర్సల్స్ తొలగించడం కారణం.
3) పెట్రోలియం ఉత్పత్తుల ఆదాయం తగ్గుదల
పెట్రోలియం ఉత్పత్తుల ఆదాయం రూ.1,320.57 కోట్ల నుంచి రూ.1,306.61 కోట్లకు.. 1.06% తగ్గుదల. ప్రధాన కారణం తుఫాన్ మోంతా (Montha) ప్రభావం. ఇది వ్యాపారం, వాహనాల సంచారం, ఆంధ్రప్రదేశ్ తీర ప్రాంత రవాణాపై తీవ్ర ప్రభావం చూపింది. రాష్ట్ర ఆదాయానికి తోడ్పడిన నికర GST వసూళ్లు 2025 నవంబర్లో రూ.2,697.32 కోట్లు, 2024 నవంబర్లోని రూ.2,827.24 కోట్లతో పోలిస్తే 4.60% తగ్గుదల నమోదు చేశాయి.
పెట్రోలియం ఉత్పత్తుల ఆదాయం 2025 నవంబర్లో రూ.1,306.62 కోట్లు. 2024 నవంబర్లోని రూ.1,320.57 కోట్లతో పోలిస్తే 1.06% తగ్గుదల. దీనికి కారణం తుఫాను వల్ల సంభవించిన అంతరాయం. మద్యంపై VAT వసూళ్లు 2025 నవంబర్లో రూ.70.40 కోట్లు, 2024 నవంబర్లోని రూ.74 కోట్లతో పోలిస్తే 4.82% తగ్గుదల. ప్రొఫెషన్ ట్యాక్స్ వసూళ్లు 2024 నవంబర్లోని రూ.29.41 కోట్ల నుంచి 2025 నవంబర్లో రూ.43 కోట్లకు పెరిగి 46.22% వార్షిక వృద్ధిను సాధించాయి.