• నిర్మల జగ్గారెడ్డి నేతృత్వంలో భారీ సైకిల్ ర్యాలీ
• బసవ సేవా సదన్లో ఎస్పీ పరితోష్ పంకజ్ చేతుల మీదుగా కేక్ కటింగ్
• బాలాజీ హాస్పిటల్ ఆధ్వర్యంలో ఉచిత గుండె వైద్య శిబిరం – ఉచితంగా ‘2D ఎకో’ పరీక్షలు
ప్రపంచ హృదయ దినోత్సవాన్ని (World Heart Day) పురస్కరించుకుని సదాశివపేట పట్టణంలో బాలాజీ హాస్పిటల్ ఆధ్వర్యంలో గుండె ఆరోగ్యంపై అవగాహన సైకిల్ ర్యాలీ, ఉచిత వైద్య శిబిరాన్ని ఘనంగా నిర్వహించారు.
ఐబీ నుంచి గాంధీ చౌక్ వరకు సైకిల్ ర్యాలీ: స్థానిక ఐబీ (IB) నుండి గాంధీ చౌక్ వరకు చేపట్టిన సైకిల్ ర్యాలీకి కాంగ్రెస్ సీనియర్ నాయకురాలు తూర్పు నిర్మల జగ్గారెడ్డి ముందుండి నాయకత్వం వహించారు. అనంతరం గాంధీ చౌక్ వద్ద కేక్ కట్ చేశారు. ఈ ర్యాలీలో మున్సిపల్ చైర్పర్సన్, వైస్ చైర్మన్, మున్సిపల్ కమిషనర్ శివాజీ, సి ఐ వెంకటేష్, కాంగ్రెస్ కౌన్సిలర్లు, కార్యకర్తలతో పాటు బాలాజీ హాస్పిటల్ వైద్యులు డాక్టర్ శ్రీధర్, డాక్టర్ శైలజ మరియు 100 మందికి పైగా ఆసుపత్రి సిబ్బంది పాల్గొన్నారు.
వ్యాయామంతోనే గుండె పదిలం: ఎస్పీ పరితోష్ పంకజ్ (IPS) పట్టణంలోని బసవ సేవా సదన్లో ఏర్పాటు చేసిన ఉచిత వైద్య శిబిరంలో సంగారెడ్డి జిల్లా ఎస్పీ పరితోష్ పంకజ్ ముఖ్య అతిథిగా పాల్గొని కేక్ కట్ చేశారు. ఈ సందర్భంగా ఎస్పీ మాట్లాడుతూ.. రోజువారీ వ్యాయామం, ఆరోగ్యకరమైన జీవనశైలితోనే గుండెను పదిలంగా కాపాడుకోవచ్చని పిలుపునిచ్చారు.
‘రూల్ ఆఫ్ 10’ పాటించండి: డాక్టర్ శ్రీధర్ యువత సైతం గుండె సమస్యల బారిన పడుతున్న నేపథ్యంలో ప్రతి ఒక్కరూ ‘రూల్ ఆఫ్ 10’ పాటించాలని డాక్టర్ శ్రీధర్ సూచించారు: రోజూ 10,000 అడుగులు నడవాలి 10 నిమిషాలు ఎండలో గడపాలి 10 నిమిషాలు యోగా లేదా ధ్యానం చేయాలి. సమతుల్య ఆహారాన్ని మితంగా తీసుకోవాలి.
ఈ నెలంతా ఉచిత 2D ఎకో: బసవ సేవా సదన్ శిబిరంలో ప్రజలకు బీపీ, ఈసీజీ, షుగర్ పరీక్షలు ఉచితంగా చేశారు. ఇక్కడ స్లిప్పులు తీసుకున్న వారికి ఈ నెల మొత్తం ఉచితంగా 2D ఎకో (2D Echo) పరీక్షలు చేయనున్నట్లు వైద్యులు తెలిపారు. ప్రజలంతా ఈ అవకాశాన్ని సద్వినియోగం చేసుకోవాలని కోరారు. (https://epaper.aadabhyderabad.in/), (Youtube)