Samskruthika Sarathi recruitment | కళాకారుల సమస్యలపై ప్రభుత్వం స్పందించాలి

• సాంస్కృతిక సారథి ఉద్యోగ ప్రక్రియను పారదర్శకంగా చేపట్టాలని డిమాండ్

తెలంగాణ ఉద్యమంలో కళాకారులు పోషించిన పాత్రను ప్రభుత్వం గుర్తించి, వారి సేవలకు తగిన గౌరవం కల్పించాలని మేడ్చల్ – మల్కాజిగిరి జిల్లా ఉద్యమ నిరుద్యోగ కళాకారుల సంఘం నాయకులు డిమాండ్ చేశారు. అర్హత కలిగిన కళాకారులకు ఉద్యోగ అవకాశాలు కల్పించడంతో పాటు సాంస్కృతిక సారథి ఉద్యోగ నియామక (Samskruthika Sarathi recruitment) ప్రక్రియను తక్షణమే ప్రారంభించి పారదర్శకంగా నిర్వహించాలని కోరారు.

రవీంద్రభారతి ముట్టడి, వంటావార్పు కార్యక్రమం నిర్వహించేందుకు సిద్ధమైన కళాకారులను ముందస్తుగా అరెస్టు చేయడం పై కళా సంఘాల నాయకులు అభ్యంతరం వ్యక్తం చేశారు. శాంతియుతంగా తమ సమస్యలను ప్రభుత్వం దృష్టికి తీసుకెళ్లే హక్కును గౌరవించాలని కోరారు. జిల్లా అధ్యక్షులు గజ్జల రామచందర్ మాట్లాడుతూ తెలంగాణ ఉద్యమ సమయంలో కళాకారులు పాటలు, కళారూపాల ద్వారా ప్రజలను చైతన్యపరిచారని తెలిపారు. ఉద్యమంలో కీలక పాత్ర పోషించిన కళాకారుల సమస్యలను పరిష్కరించాల్సిన బాధ్యత ప్రభుత్వంపై ఉందన్నారు. అర్హత ఉన్న నిరుద్యోగ కళాకారులకు ఉద్యోగ అవకాశాలు కల్పించేందుకు ప్రభుత్వం స్పష్టమైన కార్యాచరణ ప్రకటించాలని కోరారు.

సాంస్కృతిక సారథిలో ఉద్యోగ ప్రక్రియను (Samskruthika Sarathi recruitment) వెంటనే ప్రారంభించాలని, అర్హత కలిగిన కళాకారులకు న్యాయం జరిగేలా పారదర్శక విధానం రూపొందించాలని వారు డిమాండ్ చేశారు. అరెస్టు చేసిన కళా సంఘాల నాయకులు, కళాకారులను విడుదల చేయాలని, కళాకారుల ప్రతినిధులతో ప్రభుత్వం వెంటనే చర్చలు జరిపి సమస్యలకు పరిష్కారం చూపాలని కోరారు.

కమిటీ సభ్యులు భాస్కర్, రవి, ప్రవీణ్ తదితరులు మాట్లాడుతూ కళాకారుల న్యాయమైన డిమాండ్లను ప్రభుత్వం నిర్లక్ష్యం చేయకుండా తక్షణమే స్పందించాలని కోరారు. సమస్యలు పరిష్కరించే వరకు ప్రజాస్వామ్య పద్ధతిలో తమ నిరసన కార్యక్రమాలను కొనసాగిస్తామని స్పష్టం చేశారు. తెలంగాణ ఉద్యమంలో కళాకారుల సేవలను గుర్తించి వారికి తగిన అవకాశాలు కల్పించడంతో పాటు సాంస్కృతిక సారథి ఉద్యోగాలపై స్పష్టత ఇవ్వాలని వారు ప్రభుత్వాన్ని కోరారు. (https://epaper.aadabhyderabad.in/) (Youtube)