మేడారం సమ్మక్క–సారలమ్మ జాతరలో తొలిసారిగా ఇప్పపువ్వు(Ippapuvvu)(మహువా పువ్వు-Mahua Flower) లడ్డూను భక్తుల కోసం ప్రవేశపెట్టారు. దీనికి అద్భుతమైన స్పందన వస్తోంది. సమ్మక్క–సారలమ్మ(Sammakka–Saralamma) మహిళా రైతు ఉత్పత్తిదారుల సమూహం కింద గిరిజన మహిళలు తయారు చేశారు. మేడారం, చుట్టుపక్కల ప్రాంతాల్లో 10 స్టాళ్లు ఏర్పాటుచేసి అమ్మకాలు సాగిస్తున్నారు. ఈ విక్రయాలు ఈ నెల 13న ప్రారంభం కాగా ఇప్పటివరకు అమ్మకాలు(Sales) రూ.3 లక్షలు దాటాయి. ఇప్ప పువ్వు రుచి, ఆరోగ్య ప్రయోజనాలకు సంబంధించి విస్తృతంగా ప్రశంసలు లభిస్తున్నాయి. మేడారంలో జరిగిన క్యాబినెట్ సమావేశంలోనూ వీటిని పంపిణీ చేశారు.
ఆరోగ్య ప్రయోజనాలు.. జీర్ణ క్రియను మెరుగుపరుస్తుంది. రోగ నిరోధక శక్తిని పెంచుతుంది. శక్తిని అందిస్తుంది. బరువు నిర్వహణకు సహాయపడుతుంది. సాంప్రదాయ గిరిజన విజ్ఞానం ప్రకారం గర్భిణీలకు ప్రయోజనకరం. గిరిజన మహిళల సాధికారత.. SERP/ITDA ద్వారా శిక్షణ, MSME రిజిస్ట్రేషన్, ఆహార లైసెన్సులను సులభతరం చేయడం ద్వారా ఈ చొరవ గిరిజన మహిళలకు స్థిరమైన జీవనోపాధిని, ఆర్థిక భద్రతను అందిస్తోంది. ఇది సమగ్ర అభివృద్ధికి ప్రభుత్వ నిబద్ధతను ప్రతిబింబిస్తుంది. తెలంగాణలోని అతిపెద్ద గిరిజన ఉత్సవం.. విశ్వాసం, పోషకాహారం, మహిళా సాధికారత పరిపూర్ణ సమ్మేళనంగా చాటుకుంటోంది.