- సైడ్ స్ట్రైన్ గాయంతో కోలుకోలేని పరిస్థితి..
- టీమ్ ఇండియాకు ఇది మరో ఎదురుదెబ్బ..
టీమిండియాకు మరో ఎదురుదెబ్బ తగిలింది. ఏషియన్ గేమ్స్ 2026కు స్పిన్నర్ వరుణ్ చక్రవర్తి(Varun Chakravarthy) దూరమయ్యాడు. సైడ్ స్ట్రెయిన్ గాయం నుంచి సకాలంలో కోలుకోలేకపోవడంతో అతడిని జట్టు నుంచి తప్పించారు. దీంతో ఆఫ్ఘనిస్థాన్తో టీ20 సిరీస్ తర్వాత ఏషియన్ గేమ్స్లోనూ వరుణ్ కనిపించడు. ఆఫ్ఘనిస్థాన్తో తొలి టీ20 మ్యాచ్లో వరుణ్ గాయపడ్డాడు. ఢిల్లీలో జరిగిన ఆ మ్యాచ్లో నాలుగు ఓవర్లు బౌలింగ్ చేసి 16 పరుగులు ఇచ్చి ఒక వికెట్ తీశాడు. అయితే బౌలింగ్ సమయంలో ఎడమ వైపు పొత్తికడుపులో అసౌకర్యం మొదలైంది. స్కానింగ్లో సైడ్ స్ట్రెయిన్ ఉన్నట్లు తేలింది. దీంతో మిగిలిన రెండు టీ20లకు అతడికి విశ్రాంతినిచ్చారు.
ఆఫ్ఘన్ సిరీస్ నుంచి తప్పుకొన్న సమయంలోనే వరుణ్ ఏషియన్ గేమ్స్ ఆడటంపై అనుమానాలు నెలకొన్నాయి. తాజాగా ఆ అనుమానాలకు తెరపడింది. గాయం నుంచి కోలుకునేందుకు సమయం సరిపోకపోవడంతో ఏషియన్ గేమ్స్కు అతడు దూరమయ్యాడు. దీంతో భారత జట్టులో మార్పు చేయాల్సిన పరిస్థితి ఏర్పడింది. వరుణ్ ఇటీవలే జట్టులోకి తిరిగొచ్చాడు. ఇంగ్లాండ్ పర్యటనలో జులైలో హ్యామ్స్ట్రింగ్ గాయంతో అతడు సుమారు రెండు నెలలు ఆటకు దూరమయ్యాడు.
బెంగళూరులోని బీసీసీఐ సెంటర్ ఆఫ్ ఎక్సలెన్స్లో పునరావాసం పొందాడు. ఫిట్నెస్ సాధించిన తర్వాత ఆఫ్ఘన్ సిరీస్తో అంతర్జాతీయ క్రికెట్లోకి వచ్చాడు. పునరాగమన మ్యాచ్ ఆడిన వెంటనే మరో గాయం కావడం అతడికి ఇబ్బందిగా మారింది. వరుణ్(Varun Chakravarthy) స్థానంలో ఆఫ్ఘనిస్థాన్తో రెండో టీ20లో రవి బిష్ణోయ్ తుది జట్టులోకి వచ్చాడు.
వాషింగ్టన్ సుందర్ కూడా స్పిన్ విభాగంలో అందుబాటులో ఉన్నాడు. అక్షర్ పటేల్ మరో స్పిన్ ఆప్షన్గా ఉన్నాడు. వరుణ్ స్థానంలో ఏషియన్ గేమ్స్ జట్టులో ఎవరిని తీసుకుంటారన్నది ఇంకా అధికారికంగా ప్రకటించలేదు. భారత్ సెప్టెంబర్ 22న జపాన్తో ఒక స్నేహపూర్వక టీ20 ఆడనుంది. ఆ తర్వాత సెప్టెంబర్ 28న ఏషియన్ గేమ్స్లో పురుషుల క్రికెట్ క్వార్టర్ఫైనల్తో బరిలోకి దిగనుంది. సెమీ ఫైనల్ అక్టోబర్ 1న, ఫైనల్ అక్టోబర్ 3న జరగనున్నాయి.(https://epaper.aadabhyderabad.in/)(Youtube)