జవహర్నగర్లోని అంబేద్కర్ నగర్ ధోబీఘాట్లో వీరనారి చాకలి ఐలమ్మ(Chakali Ailamma) వర్ధంతి కార్యక్రమాన్ని ఘనంగా నిర్వహించారు. ఈ సందర్భంగా చాకలి ఐలమ్మ విగ్రహానికి పూలమాలలు వేసి ఘన నివాళులు అర్పించారు. ఆమె సేవలను, పోరాట స్ఫూర్తిని స్మరించుకుంటూ నాయకులు మాట్లాడారు.
తెలంగాణ సాయుధ పోరాటంలో నిరంకుశత్వానికి, దోపిడీకి వ్యతిరేకంగా చాకలి ఐలమ్మ ధైర్యంగా పోరాడారని నాయకులు తెలిపారు. పేదలు, బడుగు బలహీన వర్గాల హక్కుల కోసం ఆమె సాగించిన పోరాటం చరిత్రలో చిరస్థాయిగా నిలిచిపోయిందన్నారు. మహిళలు సైతం సామాజిక అన్యాయాలను ఎదుర్కొంటూ హక్కుల కోసం పోరాడగలరని ఐలమ్మ తన జీవితంతో చాటిచెప్పారని పేర్కొన్నారు.
చాకలి ఐలమ్మ చూపిన ధైర్యం, ఆత్మగౌరవం, పోరాట స్ఫూర్తి నేటి తరానికి స్ఫూర్తిదాయకమని అన్నారు. సమాజంలో అణగారిన వర్గాలకు సమాన అవకాశాలు కల్పించడంతో పాటు సామాజిక న్యాయం, సమానత్వం కోసం ప్రతి ఒక్కరూ కృషి చేయాలని పిలుపునిచ్చారు. ఐలమ్మ ఆశయాలను కేవలం జయంతి, వర్ధంతి కార్యక్రమాలకే పరిమితం చేయకుండా ఆమె ఆశయ సాధనకు ప్రతి ఒక్కరూ ముందుకు రావాలని కోరారు.
ఈ కార్యక్రమంలో జవహర్నగర్ మాజీ మేయర్, జవహర్నగర్ డివిజన్ కాంగ్రెస్ పార్టీ అధ్యక్షులు దొంతగాని శాంతి కోటేష్ గౌడ్, కాంగ్రెస్ పార్టీ మాజీ అధ్యక్షులు బల్లి శ్రీనివాస్, యూత్ కాంగ్రెస్ పార్టీ అధ్యక్షులు మట్లా వినయ్, గాజ్వెల్ శంకర్, పొలాస సాయి, రఫీక్, డీఎస్ఎస్ వెంకటేష్, మంద ఆనంద్, రాజు యాదవ్, ఎరకల వెంకటయ్య, స్వామి, కరుణాకర్, ముక్క నర్సింహులు తదితరులు పాల్గొన్నారు.
ఈ సందర్భంగా నాయకులు చాకలి ఐలమ్మ విగ్రహానికి పూలమాలలు వేసి ఘన నివాళులు అర్పించారు. ఆమె పోరాట చరిత్రను, ప్రజల కోసం చేసిన త్యాగాలను స్మరించుకున్నారు. ఐలమ్మ చూపిన బాటలో నడుస్తూ పేదలు, బడుగు బలహీన వర్గాల సంక్షేమం కోసం నిరంతరం కృషి చేస్తామని తెలిపారు.