యాంకర్ – నటి అనసూయ భరద్వాజ్ మరోసారి తన ఓపెన్ వ్యాఖ్యలతో సోషల్ మీడియాలో చర్చనీయాంశంగా మారారు. ఇటీవల యూట్యూబర్ నిఖిల్తో జరిగిన ఒక ఇంటర్వ్యూలో ఆమె వ్యక్తిగత సంబంధాలు, శృంగారం అంశాలపై స్పష్టంగా అభిప్రాయాలు వెల్లడించారు. గతంలోనూ ఇలాంటి వ్యాఖ్యలతో వార్తల్లో నిలిచిన అనసూయ, ఈసారి కూడా తన స్ట్రైట్ఫార్వర్డ్ మాటలతో సంచలనం సృష్టించారు.ఇంటర్వ్యూలో నిఖిల్ ప్రస్తావించిన ఒక సర్వే ప్రకారం, 20–25 ఏళ్ల వయసు గల యువకుల్లో దాదాపు 70 శాతం మంది తమకంటే ఎక్కువ వయసు ఉన్న మహిళలపై ఆకర్షణ చూపుతున్నారని చెప్పారు. దీనిపై స్పందించిన అనసూయ, శృంగారం అనేది ప్రతి మనిషి జీవితంలో సహజమైన అవసరమేనని, దాని గురించి అనవసరంగా సిగ్గుపడాల్సిన అవసరం లేదని వ్యాఖ్యానించారు.
అయితే బహిరంగంగా ప్రవర్తించడం కాదు, ఆ అంశాన్ని సహజంగా అర్థం చేసుకోవాలన్నదే తన ఉద్దేశమని స్పష్టం చేశారు.ఈ వ్యాఖ్యలు అప్పట్లో ట్రెండ్ అవ్వగా, తాజాగా ఆ ఇంటర్వ్యూకు సంబంధించిన వీడియో క్లిప్స్ మళ్లీ నెట్టింట వైరల్ అవుతున్నాయి. అనసూయ మాట్లాడే తీరు, ఆమె అభిప్రాయాలపై మద్దతుతో పాటు విమర్శలు కూడా వ్యక్తమవుతున్నాయి.వృత్తిపరంగా చూస్తే, ‘జబర్దస్త్’ షోతో విశేష గుర్తింపు తెచ్చుకున్న అనసూయ, ‘రంగస్థలం’ సినిమాలో రంగమ్మత్త పాత్రతో సినీ ప్రేక్షకుల ప్రశంసలు అందుకున్నారు. ఇటీవల ‘పుష్ప 2’లో దాక్షాయణి పాత్రతో మరోసారి ఆకట్టుకున్నారు. ప్రస్తుతం వరుస సినిమాలు, లేడీ ఓరియెంటెడ్ ప్రాజెక్ట్స్తో బిజీగా ఉన్న ఆమె, ఏ అంశమైనా ఓపెన్గా మాట్లాడే తన నైజంతో తరచూ వార్తల్లో నిలుస్తూనే ఉన్నారు.