తెలంగాణ-నార్త్ ఈస్ట్ కనెక్ట్ టెక్నో-కల్చరల్ ఫెస్టివల్లో ప్రముఖుల వెల్లడి
తెలంగాణ-నార్త్ ఈస్ట్ కనెక్ట్ టెక్నో-కల్చరల్ ఫెస్టివల్(Telangana-North East Connect Techno-Cultural Festival)లో రెండో రోజు ఆరోగ్య సంరక్షణ(health care), ఫార్మా, లైఫ్ సైన్సెస్, ఐటీ, ఐటీఈఎస్ రంగాల్లో సహకార అవకాశాలపై ప్రధానంగా చర్చ జరిగింది. రాజ్భవన్లో జరిగిన సదస్సులో సరసమైన, సమానమైన ఆరోగ్య సంరక్షణను విస్తరించడం కోసం భాగస్వామ్యాలను ఏర్పరచుకోవడాన్ని ప్రస్తావించారు. తెలంగాణ ఆరోగ్య శాఖ మంత్రి దామోదర రాజనరసింహ(Telangana Health Minister Damodar Rajanarasimha), ఆరోగ్య, వైద్య, కుటుంబ సంక్షేమ కార్యదర్శి డాక్టర్ క్రిస్టినా జెడ్. చోంగ్తు తదితరులు పాల్గొన్నారు.
ఆరోగ్య సంరక్షణలో ఈశాన్యానికి తెలంగాణ ఏవిధంగా కేంద్రంగా పురోగతి సాధించిందో వివరించారు. ప్రాంతాల మధ్య దీర్ఘకాలిక విద్య, వైద్య సంబంధాలను ప్రశంసించారు. అస్సాం ఆరోగ్య & కుటుంబ సంక్షేమ కార్యదర్శి పి.అశోక్ బాబు, హైదరాబాద్ నిమ్స్ (NIMS) డైరెక్టర్ డాక్టర్ బీరప్ప నగరి, అస్సాం నుంచి డాక్టర్ అమితవ గోస్వామి, పద్మ విభూషణ్ అవార్డు గ్రహీత డాక్టర్ నాగేశ్వర్ రెడ్డి, పద్మశ్రీ అవార్డు గ్రహీత డాక్టర్ పి. రఘురామ్లతో కూడిన విశిష్ట ప్యానెల్.. ఇన్స్టిట్యూషనల్ సినర్జీ, వైద్య రంగంలో ఏఐ వాడకం, క్యాన్సర్ స్క్రీనింగ్ ద్వారా నాణ్యమైన తృతీయ సంరక్షణను అందించే నమూనాలపై చర్చించింది.
ఏఐ ఆధారిత క్లినికల్ నిర్ణయం తీసుకోవడం, రోగి ఫలితాలను, కోలుకునే సమయాన్ని గణనీయంగా పెంచే అత్యాధునిక మినిమల్లీ ఇన్వాసివ్ కార్డియాక్ సర్జరీ పద్ధతులు, ఆవిష్కరణల గురించి చర్చలు జరిపారు. తెలంగాణ ఆరోగ్య శాఖ మంత్రి దామోదర్ రాజనరసింహ మాట్లాడుతూ.. 2047 వరకు అనుసరించాల్సిన వ్యూహాత్మక దార్శనికత గురించి నొక్కి చెప్పారు. వైద్య పర్యాటకం, శిక్షణ, సమాజ-కేంద్రీకృత ఆరోగ్య సంరక్షణ పర్యవేక్షణలో సహకార వెంచర్లను సమర్థించారు. ఇది కేవలం రాష్ట్ర సహకారం కాదని, జాతీయ అత్యవసరమని పేర్కొన్నారు.