గబ్బిలాల పేటలో 77వ గణతంత్ర దినోత్సవ వేడుకలు ఘనంగా నిర్వహించారు. గ్రామ వ్యవస్థాపకులు తూర్పు కొండ రామన్న ఆదేశాలను అనుసరించి కరాటే రాజు నాగభూషణం ఆధ్వర్యంలో జెండా ఆవిష్కరణ కార్యక్రమం జరిగింది. ఉదయం నుంచే కాలనీ వాసులు ఉత్సాహంగా కార్యక్రమానికి తరలివచ్చి జాతీయ పండుగను గౌరవంగా జరుపుకున్నారు.
ఈ సందర్భంగా నాగభూషణం మాట్లాడుతూ గ్రామ అభివృద్ధి కోసం గతంలో చేసిన సేవలను మరోసారి గుర్తు చేశారు. రోడ్లు, పారిశుధ్యం, మౌలిక వసతుల అభివృద్ధి కోసం నిరంతరం కృషి చేసిన విషయాలను ప్రస్తావించారు. భవిష్యత్తులో కూడా గ్రామం మరింత అభివృద్ధి చెందాలంటే ప్రతి ఒక్కరూ కలిసి బాధ్యతగా ముందుకు సాగాలని కోరారు. యువత సామాజిక కార్యక్రమాల్లో చురుకుగా పాల్గొని గ్రామానికి మంచి పేరు తీసుకురావాలని సూచించారు.
ఈ కార్యక్రమంలో కాలనీ వాసులు, కార్యకర్తలు పెద్ద ఎత్తున హాజరై జాతీయ పండుగకు ఘనత చేకూర్చారు. దేశ ఐక్యత, రాజ్యాంగ విలువలను కాపాడుకుంటూ ముందుకు సాగాలని పాల్గొన్నవారు సంకల్పం వ్యక్తం చేశారు.