కార్తికేయన్‌కు తలైవా ప్రశంసలు
శివకార్తికేయన్‌పై అగ్ర కథానాయకుడు రజనీకాంత్‌ ప్రశంసలు కురిపించారు. ఏఆర్‌ మురుగదాస్‌ దర్శకత్వంలో శివకార్తికేయన్‌ నటించిన ’మదరాసి’ ఇటీవల ప్రేక్షకుల ముందుకువచ్చి ఆదరణ సొంతం చేసుకుంటోంది. తాజాగా ఈ సినిమా చూసిన రజనీ చిత్రబృందాన్ని అభినందించారు. ఈ విషయాన్ని తెలుపుతూ శివకార్తికేయన్‌ పోస్ట్‌ పెట్టారు. తాను దైవంగా భావించే తలైవా నుంచి ప్రశంసలు రావడం ఎంతో ఆనందంగా ఉందన్నారు. సినిమా బాగుంది. నీ నటన మరో స్థాయిలో ఉంది. అద్భుతంగా నటించావు. మదరాసి నాకు చాలా నచ్చింది. నువ్వు యాక్షన్‌ హీరో అయిపోతావు. నా దీవెనలు నీకు ఎప్పుడూ ఉంటాయి’ అంటూ తన ట్రేడ్‌మార్క్‌ చిరునవ్వుతో రజనీకాంత్‌ నన్ను ప్రశంసించారు. నా దైవం నుంచి అభినందనలు అందుకోవడం ఆనందంగా ఉందని శివకార్తికేయన్‌ తన పోస్ట్‌లో రాసుకొచ్చారు. ఇక ఈ సినిమా విడుదలైన అనంతరం కోలీవుడ్‌ సినీ ప్రముఖులు దీన్ని ప్రశంసిస్తూ ఎక్స్‌ వేదికగా చిత్రబృందానికి అభినందనలు తెలిపారు. దర్శకుడు శంకర్‌, లింగుస్వామి ’మదరాసి’పై రివ్యూ ఇచ్చారు.