హీరోయిన్‌గా 9 ఏళ్లలో 4 భాషల్లో 25 చిత్రాలు
నేషనల్ క్రష్ రశ్మిక (Rashmika) ఇండియన్ ఫిలిం ఇండస్ట్రీలో 9 ఏళ్ల జర్నీ పూర్తిచేసుకుంది. ఈ సమయంలో 4 భాషల్లో మొత్తం 25 మూవీస్‌లో నటించింది. వీటిలో.. హిట్స్, సూపర్ హిట్స్, బ్లాక్ బస్టర్స్‌తోపాటు బాక్సాఫీస్ రికార్డులు తిరగరాసిన సినిమాలెన్నో ఉండటం విశేషం. హీరోయిన్లు లోకల్‌గా పేరు తెచ్చుకోవడం చూస్తుంటాం గానీ పాన్ ఇండియా (Pan India) స్థాయిలో వరుస విజయాలు సాధిస్తూ తన స్టార్ డమ్ క్రేజ్ చూపిస్తోంది రశ్మిక.
అందం, నటన, ఆకర్షణతో దేశవ్యాప్తంగా ప్రేక్షకుల్ని ఆకట్టుకుంటోంది. మరో హీరోయిన్‌కు లేనంత క్రేజ్‌ను సొంతం చేసుకుంటోంది.రూ.వెయ్యి కోట్ల సినిమాలను అలవోకగా అందుకుంటూ ఇండియన్ సినిమా క్వీన్‌గా మారింది. రశ్మిక నటించిన పుష్ప, పుష్ప2(Pushpa), యానిమల్(Animal), ఛావా, థామా చిత్రాలు బాక్సాఫీస్ రికార్డులను తిరగరాశాయి.
అయితే బాక్సాఫీస్ నంబర్ల కన్నా ప్రేక్షకుల అభిమానమే తనకు ముఖ్యమని చెబుతుంది. ఈ అందాల తార తన విజయాలను కొనసాగిస్తూ మరిన్ని క్రేజీ ప్రాజెక్ట్స్‌లో నటిస్తోంది. రశ్మిక నటించిన ‘ది గర్ల్ ఫ్రెండ్’ (The Girl Friend) సినిమా నవంబర్ 7న పాన్ ఇండియా రిలీజ్‌కు రెడీ అవుతోంది.
తాజాగా రిలీజ్ చేసిన ఈ సినిమా ట్రైలర్‌లో రశ్మిక పెర్‌ఫార్మెన్స్ మెస్మరైజ్ చేస్తోంది. ది గర్ల్ ఫ్రెండ్ సినిమా రశ్మిక కెరీర్‌లో మరో మైల్ స్టోన్ కాబోతోందనే ప్రెడిక్షన్స్ ట్రైలర్ సక్సెస్‌తో ఏర్పడుతున్నాయి.
