- ఈ టెక్నీక్ ఉపయోగించండి చాలు..
వ్యాయామాలు చేయడం మంచిదనే విషయం అందరికీ తెలిసిందే. కానీ నిజంగా చేయకపోయినా.. చేసినట్టు ఊహించుకున్నా కొన్ని హెల్త్ బెనిఫిట్స్ ఉంటాయని లూసియానా స్టేట్ యూనివర్సిటీ నిపుణుల అధ్యయనం తెలిపింది. శారీరక వ్యాయామం చేయలేని పరిస్థితుల్లో చేసినట్టు ఊహించుకోవడం వల్ల మెదడులోని మోటార్ సర్క్యూట్లు ఉత్తేజితం అవుతాయని తెలిపాయి. మనసులో వ్యాయామాలు చేయడం వల్ల కూడా కండరాల బలం పెరుగుతుందని అధ్యయనాలు సూచిస్తున్నాయి.
శారీరక వ్యాయామం చేయకుండా, కేవలం మనసులో విజువలైజ్ చేయడం ద్వారా మెదడులోని మోటార్ సర్క్యూట్లు ఉత్తేజితమవుతాయట. ఎందుకంటే ఈ పరిస్థితి నిజమైన లిఫ్టింగ్ చేసినట్లుగా కండరాలకు సిగ్నల్స్ పంపుతుందని, దీంతో కండరాలు ప్రతిస్పందిస్తాయని చెబుతున్నారు. వ్యాయామాలను మనసులో ఊహించుకున్న వారి బ్రెయిన్ స్కాన్లు మెదడు యాక్టివిటీని చూపించాయి. ఈ మెంటల్ ట్రైనింగ్ న్యూరోమస్క్యులర్ అడాప్టేషన్ ద్వారా పనిచేస్తుంది. అంటే మెదడు, కండరాల మధ్య కమ్యూనికేషన్ మెరుగుపడుతుంది.
హిప్ ఫ్లెక్షన్ ఎక్సర్సైజ్ను మనసులో ఊహించుకున్నవారు నడుము బలాన్ని 24శాతం పెంచుకున్నారట. భౌతికంగా చేసినవారు 28 శాతం పెంచుకున్నారు. అయితే తరచుగా కేవలం ఊహించుకోవడం ద్వారా మాత్రమే పూర్తి ఆరోగ్య ప్రయోజనాలను పొందరు. ఇది రిహాబిలిటేషన్లో ఉపయోగకరంగా ఉంటుంది. ముఖ్యంగా గాయాలు లేదా వృద్ధులకు వ్యాయామం కష్టమైనప్పుడు. ప్రత్యామ్నాయంగా ఉపయోగపడుతుందని నిపుణులు సూచిస్తున్నారు.