నందమూరి బాలకృష్ణ (Nandamuri Balakrishna) హిస్టారికల్ ఎపిక్ #NBK111లో హీరోయిన్గా నయనతారను ఎంపిక చేశారు. వరుస బ్లాక్బస్టర్లతో దూసుకెళ్తున్న గాడ్ ఆఫ్ ది మాసెస్ నందమూరి బాలకృష్ణ, వీరసింహారెడ్డి సంచలన విజయం తర్వాత బ్లాక్బస్టర్ మేకర్ గోపీచంద్ మలినేని(Gopichand Malineni)తో మరోసారి చేతులు కలిపారు. ఈ ఇద్దరి కొలాబరేషన్లో హిస్టారికల్ ఎపిక్ #NBK111 చిత్రాన్ని ప్రతిష్టాత్మక వృద్ధి సినిమాస్ బ్యానర్పై ప్రస్తుతం పాన్-ఇండియా ప్రాజెక్ట్ ‘పెద్ది’ సినిమా చేస్తున్న నిర్మాత వెంకట సతీష్ కిలారు (Venkata Satish Kilaru) నిర్మిస్తున్నారు.
మేజెస్టిక్ & మైటీ క్వీన్స్ చాప్టర్ ప్రారంభమైంది. ఈ హై బడ్జెట్ సినిమాటిక్ స్పెక్టికల్లో బాలకృష్ణ సరసన హీరోయిన్గా నయనతార చేరారు. ఆమె పాత్ర కథనానికి కీలకం కానుంది. సింహ, జై సింహా, శ్రీ రామరాజ్యం తర్వాత బాలకృష్ణ, నయనతార కలిసి నటిస్తున్న నాలుగో చిత్రం ఇది. ఈ విజయవంతమైన జంటను మరోసారి తెరపై చూడాలని ఆసక్తిగా ఎదురుచూస్తున్న ప్రేక్షకులకు ఇది ఒక అద్భుతమైన ట్రీట్ లాంటిది. ఈరోజు నయనతార పుట్టినరోజు (Birh Day) సందర్భంగా ఈ ఎనౌన్స్మెంట్ చేశారు.
మేజెస్టిక్ అనౌన్స్మెంట్ వీడియోతో సినిమా అంబిషస్ స్కేలు, విజువల్ స్పెక్టకిల్ అన్నీ అద్భుతంగా చూపించారు. సినిమాకి కావాల్సిన గ్రాండ్ టోన్ను ఇది సెట్ చేస్తుంది. డైరెక్టర్ గోపీచంద్ మలినేని నయనతారను గుర్రంపై పరిచయం చేసే విధానం ద్వారా ఈ ప్రాజెక్ట్ ఎంత భారీ స్థాయిలో రూపొందుతోందో స్పష్టమవుతోంది. ఇప్పటివరకు చూడని గ్రాండియర్తో విజువల్ వండర్లా ఈ సినిమా ఉండబోతోంది.
గోపీచంద్ మలినేని తొలిసారిగా హిస్టారికల్ డ్రామాలోకి అడుగుపెడుతున్నారు. కమర్షియల్ బ్లాక్బస్టర్స్ రూపొందించే తన ప్రత్యేక మాస్ టచ్ను ఒక భారీ చారిత్రక కథలో మిళితం చేస్తూ, నందమూరి బాలకృష్ణను ఇప్పటివరకు చూడని ఓ కొత్త అవతార్లో చూపించబోతున్నారు. ఇంటెన్స్ ఎమోషన్స్, పవర్ఫుల్ యాక్షన్, అద్భుతమైన విజువల్స్ కలిసి ఈ చిత్రం గ్రేట్ సినిమాటిక్ ఎక్స్పీరియన్స్ అందించబోతోంది.
ఇతర నటీనటులు, సాంకేతిక నిపుణుల వివరాలు మేకర్స్ త్వరలో వెల్లడించనున్నారు. తారాగణం: నందమూరి బాలకృష్ణ, నయనతార. సాంకేతిక సిబ్బంది.. రచన, దర్శకత్వం: గోపీచంద్ మలినేని, నిర్మాత: వెంకట సతీష్ కిలారు, బ్యానర్: వృద్ధి సినిమాస్, పీఆర్వో వంశీ-శేఖర్