- జవహర్ నగర్ పోలీస్ స్టేషన్ లో కేసు నమోదు
కాప్రా మండలం దమ్మాయిగూడ పరిధిలో యువతి అదృశ్యమైన ఘటనకు సంబంధించి జవహర్ నగర్ పోలీస్ స్టేషన్లో కేసు నమోదు అయింది. న్యూ ఇందిరా నగర్కు చెందిన దాన్ల లక్ష్మి తన కుమార్తె కం దన్ల శశిరేఖ అదృశ్యమైందని ఫిర్యాదు చేశారు.
ఫిర్యాదు వివరాల ప్రకారం ఫిబ్రవరి.02తేదీన శశిరేఖ కళాశాలకు వెళ్లకుండా ఇంట్లోనే ఉన్నది. ఫిర్యాదుదారు పనిమీద బయటకు వెళ్లిన తర్వాత ఉదయం పది గంటల సమయంలో కుమార్తెకు ఫోన్ చేయగా మొబైల్ స్విచ్ ఆఫ్లో ఉన్నట్లు తెలిసింది. అనంతరం ఇంటికి వచ్చి చూడగా కుమార్తె కనిపించలేదు.
చుట్టుపక్కల ప్రాంతాల్లో బంధువుల ఇళ్లలో వెతికినా ఆచూకీ లభించలేదు. నెల రోజుల క్రితం నుంచి తన కుమార్తె గాంధీ నగర్కు చెందిన శివ అనే వ్యక్తితో ప్రేమ సంబంధం కలిగి ఉన్నట్లు అనుమానం ఉందని ఫిర్యాదుదారు పేర్కొన్నారు. ఆ వ్యక్తి ప్రమేయం ఉండవచ్చని భావిస్తూ చట్టపరమైన చర్యలు తీసుకోవాలని కోరారు.
ఫిర్యాదు స్వీకరించిన పోలీసులు తప్పిపోయిన యువతి కేసుగా నమోదు చేసి దర్యాప్తు ప్రారంభించారు. యువతి వివరాలు సేకరించి అనుమానితుడి కదలికలపై విచారణ చేపట్టినట్లు పోలీసులు తెలిపారు.
ఫిర్యాదుదారు వివరాలు: దాన్ల లక్ష్మి, యెల్లేష్ భార్య, వయస్సు ముప్పై ఏడు సంవత్సరాలు, వృత్తి గృహ నిర్వహణ, నివాసం న్యూ ఇందిరా నగర్, దమ్మాయిగూడ, కాప్రా మండలం, మేడ్చల్ మల్కాజ్గిరి జిల్లా.
తప్పిపోయిన యువతి వివరాలు: కం దన్ల శశిరేఖ, వయస్సు ఇరవై సంవత్సరాలు, వృత్తి విద్యార్థిని, డిగ్రీ రెండో సంవత్సరం చదువుతోంది.