Alai Balai | దత్తాత్రేయ అలయ్ బలయ్ కార్యక్రమం..

• పాల్గొన్న మంత్రి పొన్నం ప్రభాకర్..
• తెలంగాణ సంస్కృతిని భావితరాలకు పంచాలన్న మంత్రి..

మాజీ గవర్నర్ బండారు దత్తాత్రేయ నిర్వహించిన అలయ్ బలయ్(Alai Balai) కార్యక్రమంలో మంత్రి పొన్నం ప్రభాకర్ పాల్గొన్నారు.. ఈ సందర్భంగా ఆయన మాట్లాడుతూ.. దత్తన్న అలయ్ బలయ్ కార్యక్రమంలో చాలా సంవత్సరాలుగా పాల్గొంటున్న.. ఈ కార్యక్రమం ద్వారా మన సంస్కృతి సంప్రదాయాలు భావి తరాలకు తీసుకుపోవాలి.. తెలంగాణ అభివృద్ధి కోసం రాజకీయాలకు అతీతంగా అందరం కలిసి పనిచేయాలి..

మనందరికీ అనేక సందర్భాల్లో మార్గదర్శకంగా నిలిచే మన సంప్రదాయాలు, ఆచారాలను కొనసాగిస్తూ, తెలంగాణ అభివృద్ధి కోసం రాజకీయాలకు అతీతంగా అందరం కలిసి ముందుకు సాగాల్సిన అవసరం ఉంది. తెలంగాణ రాష్ట్ర సాధన కోసం అనేకమంది అమరులయ్యారు. ఎంతోమంది తమ ప్రాణాలను త్యాగం చేశారు. వారి త్యాగాల ఫలితంగా మనం తెలంగాణ రాష్ట్రాన్ని సాధించుకున్నాం.

తెలంగాణ సాధనలో అన్ని రాజకీయ పార్టీల పాత్ర, ప్రజల ఆకాంక్షలు ఎంతో కీలకమైనవి. తెలంగాణ సాధన కోసం రాజకీయాలకు అతీతంగా ఏకతాటిపైకి వచ్చిన మనమంతా, రాష్ట్ర సాధన తర్వాత కూడా అదే స్ఫూర్తితో తెలంగాణ అభివృద్ధి కోసం కలిసి పనిచేయాలి. ఎన్నికల సమయంలో రాజకీయాలు ఉండవచ్చు. కానీ ఎన్నికలు పూర్తయిన తర్వాత రాష్ట్ర అభివృద్ధి, ప్రజల సంక్షేమమే మనందరి ప్రధాన లక్ష్యం కావాలి. దత్తన్న అలయ్ బలయ్(Alai Balai) గొప్ప ఆలోచనతో, తెలంగాణ అభివృద్ధి కోసం అన్ని రాజకీయ పార్టీలను ఒక వేదికపైకి తీసుకురావాలనే సంకల్పంతో ఈ కార్యక్రమాన్ని నిర్వహిస్తున్న సోదరి విజయలక్ష్మి గారికి, బండారు దత్తాత్రేయ గారికి నా హృదయపూర్వక ధన్యవాదాలు తెలియజేస్తున్నాను.

ఈ కార్యక్రమం ద్వారా తెలంగాణ అభివృద్ధికి సంబంధించి అన్ని రాజకీయ పార్టీలు తమ అభిప్రాయాలను పంచుకుంటూ, రాష్ట్రానికి భవిష్యత్తులో ఎలాంటి దిశానిర్దేశం అవసరమో చర్చించాలి. ప్రజల ఆకాంక్షలకు అనుగుణంగా తెలంగాణను మరింత అభివృద్ధి పథంలో ముందుకు తీసుకెళ్లేందుకు అందరం సమిష్టిగా కృషి చేయాలి. తెలంగాణ సాధన సమయంలో మనమంతా ఎలా కలిసి పనిచేశామో, అదే విధంగా సాధించుకున్న తెలంగాణను దేశంలోనే అగ్రగామి రాష్ట్రంగా నిలబెట్టేందుకు కలిసికట్టుగా ముందుకు సాగాలి. తెలంగాణ అభివృద్ధి అనేది ఒక రాజకీయ పార్టీకి సంబంధించిన అంశం కాదు. అది తెలంగాణ ప్రజలందరి ఆకాంక్ష.(https://epaper.aadabhyderabad.in/)(Youtube)