- వదినతో అక్రమ సంబంధం పెట్టుకొని పెళ్లి చేసుకుంటా అని వేధింపులు
- అందుకు ఆమె నిరాకరించటంతో ఆత్మహత్య
అన్న భార్యతో ప్రేమలో పడిన ఓ తమ్ముడు ఆత్మహత్య చేసుకున్నాడు. వదినతో అక్రమ సంబంధం పెట్టుకొని పెళ్లి చేసుకోవాలని ఒత్తిడి తేగా.. అందుకు ఆమె నిరాకరించింది. దీంతో మనస్థాపం చెంది ప్రాణాలు తీసుకున్నాడు. ఈ ఘటన హైదరాబాద్ ఓల్డ్ బోయిన్‌పల్లిలో చోటు చేసుకుంది.
హైదరాబాద్ : ప్రస్తుత సమాజంలో మానవసంబంధాలకు విలువ లేకుండా పోతుంది. కామవాంఛతో వావివరసలు మరిచి నీచానికి దిగజారుతున్నారు. అక్రమ సంబంధాలు కొనసాగిస్తూ కొందరు కాపురాలను నాశనం చేసుకుంటుండగా.. మరికొందరు ప్రాణాలు తీసుకుంటున్నారు. హైదరాబాద్ బోయిన్‌పల్లిలో అటువంటే ఘటనే చోటు చేసుకుంది. అన్న భార్యను లవ్ చేసిన ఓ వ్యక్తి ఆమెతో అక్రమ సంబంధం పెట్టుకున్నాడు. ఆ తర్వాత పెళ్లి చేసుకోవాలని ఒత్తిడి తేగా.. అందుకు ఆమె నిరాకరించింది. దీంతో ఉరేసుకొని ప్రాణాలు తీసుకున్నాడు. పోలీసులు తెలిపిన వివరాల ప్రకారం.. హర్యానాకు చెందిన ప్రదీప్ కుమార్ (23) తన స్నేహితులతో కలిసి ఓల్డ్ బోయిన్‌పల్లి జీఎస్‌టి కాంప్లెక్స్‌లో నివాసం ఉంటూ అక్కడే ఓ ట్రాన్స్‌పోర్టు సంబంధిత పనులు చేస్తూ జీవనం సాగిస్తున్నాడు. అయితే ప్రదీప్ కుమార్ అన్నయ్య (పెదమ్మ కుమారుడు) శివ కుమార్ కూడా ఉపాధి నిమిత్తం నగరానికి వచ్చి భార్యతో కలిసి బోయిన్ పల్లిలోనే నివాసం ఉంటున్నాడు. దీంతో అప్పుడప్పుడు అన్నయ్య వద్దకు ప్రదీప్ వెళ్లేవాడు. ఈ క్రమంలో అన్న భార్యకు, ప్రదీప్ కుమార్‌కు మధ్య ముందు స్నేహం ఆ తర్వాత ప్రేమ, ఆ తర్వాత అక్రమ సంబంధం ఏర్పడింది. దీంతో తన అన్నయ్య శివకుమార్ వదలేసి తనను వివాహం చేసుకోవాలని గత కొంతకాలంగా ప్రదీప్ కుమార్ వదినపై ఒత్తిడి తెస్తున్నాడు. అందుకు ఆమె అంగీకరిం కరించలేదు. కాగా బుధవారం (సెప్టెంబర్ 6) ప్రదీప్ కుమార్ మరోసారి వదినకు ఫోన్ చేసి తనను పెళ్లి చేసుకోవాలని అడిగాడు. అందుకు ఆమె నిరాకరించడంతో పాటు సర్ది చెప్పే ప్రయత్నం చేసింది. మనస్థాపం చెందిన ప్రదీప్ కుమార్ తాను ఇక బ్రతకనని.. ఆత్మహత్య చేసుకుంటున్నట్లు ఫోన్ పెట్టేశాడు. ఆందోళనకు గురైన ఆమె.. వెంటనే విషయాన్ని భర్త శివ కుమార్‌కు తెలియజేసింది. అప్రమత్తమైన శివ కుమార్ విషయాన్ని ప్రదీప్ కుమార్ స్నేహితులకు చెప్పగా.. వారు రూమ్‌కు వెళ్లి చూశారు. తలుపులు బిగించి ఉండటంతో బద్దలు కొట్టి చూడగా.. అప్పటికే ఫ్యానుకు ఉరేసుకొని ప్రాణాలు కోల్పోయాడు. ఘటనపై కేసు నమోదు చేసుకున్న పోలీసులు విచారణ చేపట్టారు.
తప్పక చదవండి
-Advertisement-