Featuredస్టేట్ న్యూస్

ఐదేళ్లలో మూడు సంచలన ఎన్‌కౌంటర్లు

  • తెలంగాణ పోలీసులపై ప్రశంసల జల్లు
  • ప్రత్యేక రాష్ట్రంలో పటిష్ఠంగా పోలీస్‌ వ్యవస్థ

హైదరాబాద్‌

తెలంగాణ రాష్ట్రంలో తాజాగా జరిగిన ‘దిశ’ కేసు నిందితుల ఎన్‌కౌంటర్‌ పట్ల దేశవ్యాప్తంగా ప్రశంసలు జల్లు కురుస్తోంది. తెలంగాణ పోలీసులు నిజమైన హీరోలని, వారిని చూసి ఇతర రాష్ట్రాల పోలీసులు నేర్చుకోవాల్సింది ఎంతో ఉందని పొగడ్తలతో ముంచెత్తుతున్నారు. పలు రాష్ట్రాల ముఖ్యమంత్రులుసైతం ఈ ఘటనపై సానుకూలంగా స్పందిస్తూ ట్వీట్లు చేస్తున్నారు. అయితే గడిచిన ఐదేళ్లలో తెలంగాణ రాష్ట్రంలో రెండు సంచలన ఎన్‌కౌంటర్లు జరగ్గా.. ‘దిశ’ నిందితుల ఎన్‌కౌంటర్‌ మూడోది. ప్రత్యేక తెలంగాణ రాష్ట్రం అనంతరం దేశంలోని అనేక నేరాల్లో ప్రధాన నిందితుడిగా ఉన్న మోస్ట్‌ వాంటెడ్‌ టెర్రరిస్ట్‌ వికారుద్దీన్‌ను 2014 ఏప్రిల్‌ 7న వరంగల్‌, నల్గొండ జిల్లా సరిహద్దులో తెలంగాణ పోలీసులు ఎన్‌కౌంటర్‌ చేశారు. హైదరాబాద్‌లో ఆరుగురు పోలీసులను కాల్చి చంపిన ఘటనతో పాటు గుజరాత్‌ ¬ంమంత్రిపై దాడి ఘటనలో నిందితుడైన వికారుద్దీన్‌ను 2010 జూలై 15న విశాఖ నుంచి వరంగల్‌ జైలుకు తరలించారు. అప్పటి నుంచీ కోర్టుకు తీసుకువెళ్లే ప్రతిసారీ పోలీసులపై దాడి చేసి తప్పించుకునేందుకు వికారుద్దీన్‌ ప్రయత్నిస్తూనే ఉండేవాడు. ఈ క్రమంలోనే 2015 ఏప్రిల్‌ 7న వరంగల్‌, నల్గొండ జిల్లా సరిహద్దులో కోర్టుకు తీసుకెళ్తున్న పోలీసులపై వికారుద్దీన్‌తో పాటు వికార్‌ అహ్మద్‌, సయ్యద్‌ అంజాద్‌ అలియాస్‌ సులేమాన్‌, ఇజార్‌ఖాన్‌, మహ్మద్‌ అనీఫ్‌, మహ్మద్‌ జకీర్‌ దాడికి యత్నించి పారిపోయేందుకు ప్రయత్నించారు. పోలీసుల ఆయుధాలు లాక్కుని వారిపైనే కాల్పులు జరిపేందుకు సిద్ధమైన వికారుద్దీన్‌ గ్యాంగ్‌ను పోలీసులు ఎన్‌కౌంటర్‌ చేశారు. వరంగల్‌ జైలు నుంచీ హైదరాబాద్‌ తరలిస్తుండగా జనగామ దాటాక, ఆలేరు సమీపంలోని కాకతీయ తోరణం దగ్గర టాయిలెట్‌ కోసం వాహనం ఆపాలని ఉగ్రవాదులు అడిగారు. అక్కడే వారు పోలీసులపై దాడికి పాల్పడేందుకు యత్నించి ఎన్‌కౌంటర్‌లో ప్రాణాలు కోల్పోయారు. మరోవైపు తెలుగు రాష్ట్రాల్లో అనేక భూ సెటిల్‌మెంట్లు, కబ్జాలు, హత్యలు చేస్తూ వేల కోట్ల రూపాయల ఆస్తులు పోగేసి ప్రభుత్వానికి సవాల్‌గా మారిన గ్యాంగ్‌స్టర్‌ నయీంను పోలీసులు 2016, ఆగస్టు 8న ఎన్‌కౌంటర్‌ చేసి చంపేశారు. మహబూబ్‌ నగర్‌ జిల్లా కొత్తూరు మండలం నందిగామ గ్రామంలోని మిలీనియం టౌన్‌ షిప్‌ లోని ఓ ఇంట్లో నయీం తలదాచుకున్నట్లు సమాచారం అందడంతో పోలీసులు పెద్దయెత్తున అక్కడికి చేరుకున్నారు. నయీం అనుచరులు కాల్పులు జరపడంతో పోలీసులు ఎదురుకాల్పులు జరపారు. ఈ కాల్పుల్లో నయీం అక్కడికక్కడే చనిపోయాడు. నయీంపై వందల సంఖ్యలో కేసులు ఉన్నాయి. నక్సలైట్‌ నుంచి గ్యాంగ్‌స్టర్‌గా మారిన నయీమ్‌… దందాలు, ల్యాండ్‌ సెటిల్మెంట్ల, బెదిరింపుల ద్వారా వందల కోట్లు కొల్లగొట్టినట్లు దర్యాప్తులో తేలింది. మరోవైపు ఈ ఎన్‌కౌంటర్‌లో సజ్జనార్‌ కీలక పాత్ర పోషించడం విశేషం. అప్పట్లో ఇంటెలిజెన్స్‌ ఐజీగా ఉన్న సజ్జనార్‌ నయీంకు సంబంధించి పక్కా సమచారం రాబట్టి అతడిని ఎన్‌కౌంటర్‌లో కీలకపాత్ర పోషించారు. తాజాగా

నలుగు నిందితుల ఎన్‌కౌంటర్‌ దేశవ్యాప్తంగా సంచలనం సృష్టించింది. నిర్భయ ఘటన తర్వాత దేశవ్యాప్తంగా అంతటి సంచలనం కలిగించిన ‘దిశ’ హత్యాచార కేసులో నలుగురు నిందితులను తెలంగాణ పోలీసులు ఎన్‌కౌంటర్‌ చేశారు. షాద్‌నగర్‌ సమీపంలోని చటాన్‌పల్లి వద్ద ‘దిశ’ను దహనం చేసిన చోటికి గురువారం అర్ధరాత్రి పోలీసులు నిందితులను తీసుకెళ్లారు. అక్కడ సీన్‌ రీకన్‌స్టక్షన్ర్‌ చేస్తుండగా నిందితులు పారిపోయేందుకు యత్నించారు. దీంతో పోలీసులు ఆ నలుగురిని తుపాకీతో కాల్చిచంపారు. తాజా ఎన్‌కౌంటర్‌ నేపథ్యంలో తెలంగాణ పోలీసుల పేరు దేశవ్యాప్తంగా మార్మోగిపోతోంది. ‘దిశ’ కేసును

పర్యవేక్షిస్తున్న సైబరాబాద్‌ పోలీస్‌ కమిషనర్‌ సజ్జనార్‌కు ప్రజలు బ్రహ్మరథం పడుతున్నారు. సోషల్‌మీడియాలోనూ ‘సా¬ సజ్జనార్‌’ కీర్తిస్తున్నారు. క్రూరమైన నేరాలకు పాల్పడేవారికి తెలంగాణ పోలీసుల తరహాలోనే శిక్ష వేయాలంటూ అనేక రాష్ట్రాలకు చెందిన నేతలు వ్యాఖ్యానిస్తున్నారు.

Tags

Related Articles

Leave a Reply

Your email address will not be published. Required fields are marked *

Back to top button
Close
Close