బంగారు గనిలో ప్రమాదం..

0

ఆఫ్ఘనిస్తాన్‌ : ఆఫ్ఘనిస్తాన్‌లో ఘోర ప్రమాదం జరిగింది. ఉత్తర బదాఖ్‌షాన్‌ ప్రావిన్స్‌లోని ఓ బంగారం గని కూలడంతో 30 మంది కార్మికులు చనిపోయారు. తీవ్రంగా గాయపడిన మరో 20మందిని ఆస్పత్రులకు తరలించారు. గనిలో 200 అడుగుల లోతులో తవ్వకాలు జరుపుతుండగా ప్రమాదం జరిగింది. గని చుట్టూ ఉన్న గోడలు కూలడంతోనే ప్రమాదం జరిగినట్లు అధికారులు అనుమానిస్తున్నారు. క్షతగాత్రుల్లో కొందరి పరిస్థితి విషమంగా ఉన్నట్లు తెలుస్తోంది. ప్రమాదం గురించి తెలియగానే రెస్క్యూ టీమ్‌ ఘటనా స్థలానికి చేరుకుంది. సహాయక చర్యల్ని ముమ్మరం చేసి.. క్షతగాత్రుల్ని ఆస్పత్రికి తరలించారు. శిథిలాల కింద నుంచి

మృతదేహాలను బయటకు తీశారు. ఘటన గురించి తెలియగానే స్థానికులు భారీగా అక్కడికి తరలివచ్చారు. చనిపోయిన వారిని చూసి బంధువులు కన్నీరుమున్నీరవుతున్నారు. బాధితులంతా చుట్టు పక్కల గ్రామాలకు చెందినవారిగా గుర్తించారు. ఘటన జరిగిన ప్రాంతంలో చాలా రోజులుగా బంగారం కోసం తవ్వకాలు జరుగుతున్నాయని స్థానికులు చెబుతున్నారు. గనుల తవ్వకాలపై ప్రభుత్వ నియంత్రణ లేకపోవడం వల్లే ప్రమాదం జరిగిందంటున్నారు. కార్మికులకు తవ్వకాలపై అవగాహన లేకపోవడం వల్లే ఘటన జరిగిందని చెబుతున్నారు.

LEAVE A REPLY

Please enter your comment!
Please enter your name here