బిజినెస్

రూ.లక్షల కోట్లు నష్టం!

న్యూఢీల్లీ : గ్లోబల్‌ టెక్‌ దిగ్గజం యాపిల్‌కు కాలం కలిసిరావడం లేదు. ఐఫోన్ల అమ్మకాలు తగ్గిపోవడంతో సతమతమౌతున్న కంపెనీకి మరో సమస్య వచ్చిపడింది. అదే అమెరికా-చైనా మధ్య నెలకొన్న తాజా వాణిజ్య యుద్ధం. దీంతో కంపెనీపై ప్రతికూల ప్రభావం పడుతోంది. ఫోన్ల విక్రయాల తగ్గుదల, వాణిజ్య ఉద్రిక్తతల వల్ల కంపెనీ మార్కెట్‌ క్యాప్‌ పడిపోతూ వస్తోంది. ఈ నేపథ్యంలోనే కంపెనీ విలువ గత శుక్రవారం నుంచి ఏకంగా 75 బిలియన్‌ డాలర్లు హరించుకుపోయింది. మన కరెన్సీలో ఈ విలువ దాదాపు రూ.5,25,000 కోట్లు. అమెరికా ఇటీవలే చైనా నుంచి దిగుమతి అయ్యే 200 బిలియన్‌ డాలర్ల విలువైన ప్రొడక్టులపై టారిఫ్‌లు పెంచింది. యాపిల్‌ ఇన్వెస్టర్లకు ఇది ప్రతికూలమనే చెప్పాలి. దీంతో యాపిల్‌ ఆదాయం మరింత తగ్గొచ్చని మోర్గాన్‌ స్టాన్లీ అంచనా వేస్తోంది. టారిఫ్‌ల పెరుగుదల నేపథ్యంలో అమెరికాలో యాపిల్‌ ప్రొడక్టుల ధర కూడా పెరిచే అవకాశముందని మార్కెట్‌ వర్గాలు అంచనా వేస్తున్నాయి. ధర పెరుగుదల కంపెనీ విక్రయాలపై ప్రభావం చూపొచ్చని పేర్కొన్నాయి. ఇకపోతే యాపిల్‌ షేరు ఇటీవల కాలంలో మంచి పనితీరు కనబరుస్తోంది. జనవరి నాటి కనిష్ట స్థాయి నుంచి చూస్తే యాపిల్‌ షేరు ఏకంగా 36 శాతం మేర పెరిగింది. కంపెనీ మార్కెట్‌ క్యాప్‌ 900 బిలియన్‌ డాలర్లకు దగ్గరిలో ఉంది. మైక్రోసాఫ్ట్‌, అమెజాన్‌ తర్వాత మూడో అత్యంత విలువైన లిస్టెడ్‌ కంపెనీగా కొనసాగుతోంది.

Tags
Show More

Related Articles

Leave a Reply

Your email address will not be published. Required fields are marked *

Back to top button
Close
Close