కేసీఆర్‌కే మళ్లీ పట్టం

0

హైదరాబాద్‌ (ఆదాబ్‌ హైదరాబాద్‌): తెలంగాణలో ఎన్నికలకు గడువు దగ్గర పడుతుండటంతో రాజ కీయం మరింత వేడెక్కింది. ప్రధాన పార్టీలన్నీ భారీ బహిరంగ సభలు, రోడ్‌ షోలతో ప్రచార పర్వాన్ని పరుగులు పెట్టిస్తున్నాయి. అభ్యర్థులందరూ ఇంటిం టి ప్రచారంతో బిజీ బిజీగా ఉన్నారు. తెలంగాణ రాష్ట్ర ఆవిర్భావం తర్వాత రెండో దఫా జరుగుతున్న ఈ ఎన్నికలు ప్రతిష్టాత్మకంగా మారాయి. టీఆర్‌ఎస్‌ నాలుగేళ్ల పాలనకు రెఫరెండంగా మారాయి. మరోవైపు.. కాంగ్రెస్‌ పార్టీ రోజురోజుకూ తన బలాన్ని పెంచుకుంటూ అధికార పక్షానికి సవాల్‌ విసురుతోంది. విపక్షాలన్నింటితో కలిసి ప్రజాకూట మిగా జతకట్టి ప్రచార పర్వంలో దూసుకుపోతోంది. ఈ నేపథ్యంలో తెలంగాణలో పోరు రసవత్తరంగా మారింది. ఎన్నికల్లో ఎవరు గెలుస్తారనే అంశం ఆసక్తికరంగా మారింది. ఇలాంటి తరుణంలో ప్రముఖ ఆంగ్ల ఛానెల్‌ ‘టైమ్స్‌ నౌ’ తెలంగాణ ఓటరు నాడిని అర్థం చేసుకునే ప్రయత్నం చేసింది.. ఆ వివరాలు.. రానున్న ఎన్నికల్లో తెలంగాణ ప్రజలు మళ్లీ కేసీఆర్‌కే పట్టం కట్టనున్నారని టైమ్స్‌ నౌ సర్వేలో వెల్లడైంది. అంతేకాకుండా గత ఎన్నికల కంటే ఎక్కువ స్థానాల్లో విజయం సాధించనున్నట్టు తేలింది. ఓట్ల శాతాన్ని కూడా గణనీయంగా పెంచుకునే అవకాశం కనిపిస్తోంది. తెలంగాణ సాధించిన నేతగా కేసీఆర్‌ పట్ల ప్రజలు విశ్వాసంతో ఉన్నట్లు వెల్లడైంది. వచ్చే ఎన్నికల్లో టీఆర్‌ఎస్‌ పార్టీ 70 సీట్లను గెలుచుకోనున్నట్టు టైమ్స్‌నౌ ప్రీ పోల్స్‌ సర్వే వెల్లడించింది. కాంగ్రెస్‌ 31 స్థానాల్లో, టీడీపీ 2, ఎమ్‌ఐ ఎమ్‌ 8, బీజేపీ 3, ఇతరులు 5 చోట్ల విజయం సాధిస్తారని సర్వేలో వెల ్లడైంది. టీఆర్‌ఎస్‌కు గతంలో వచ్చిన సీట్ల కంటే ఎక్కువ స్థానాలు దక్కుతా యని సర్వేలో తేలింది. 2014లో టీఆర్‌ఎస్‌కు 63 సీట్లు రాగా, రానున్న ఎన్నికల్లో 70 సీట్లు వస్తాయని సర్వేలో వెల్లడైంది. టైమ్స్‌ నై సీఎన్‌ఎక్స్‌ ప్రీ పోల్‌ సర్వేను నవంబర్‌ 12 నుంచి 18వ తేదీ మధ్య చేశారు.

ఏ పార్టీకి ఎంత శాతం ఓట్లు.. : 2014 లో టీఆర్‌ఎస్‌కు 34.30 శాతం ఓట్లు రాగా, ఈసారి 37.55 శాతం రానున్నట్లు సర్వేలో తేలింది. టీఆర్‌ఎస్‌కు ఓట్ల శాతం పెరిగినట్లు సర్వే వెల్లడించింది. అదే సమయంలో టీడీపీకి ఓట్ల శాతం సగానికి పైగా పడిపోయినట్లు వెల్లడైంది. టీడీపీకి 2014లో 14.70 శాతం ఓట్లు రాగా ఇప్పుడు 5.66 శాతం ఓట్లే వస్తాయని తేలింది. ఆ పార్టీ ఓట్ల శాతం 9.04 శాతం తగ్గుతోంది. దీనికి ప్రధాన కారణం రాహుల్‌ గాంధీతో చంద్రబాబు చేతులు కలపడమేనని తేలింది. కాంగ్రెస్‌తో కలిసి టీడీపీ చేతులు కాల్చుకున్నట్లు వెల్లడైంది.

టైమ్స్‌ నౌ సర్వే ముఖ్యాంశాలు.. : తెలంగాణ ముఖ్యమంత్రిగా కేసీఆర్‌ కావాలని 45.27 శాతం ప్రజలు కోరుకోగా.. ఉత్తమ్‌ కుమార్‌ రెడ్డికి 30.55, కోదండరాంకు 3.37 శాతం మద్దతు లభించింది. టీఆర్‌ఎస్‌కు 37.55 శాతం ఓట్లు వస్తాయని.. కాంగ్రెస్‌కు 27.98 శాతం, టీడీపీకి 5.66, ఎమ్‌ఐఎమ్‌కు 4.10 శాతం, బీజేపీకి 11 శాతం, ఇతరులకు 13.71 శాతం ఓట్లు వస్తాయని సర్వేలో వెల్లడైంది. చంద్రబాబు నాయుడు, రాహుల్‌ గాంధీ కలయికను తెలంగాణ ప్రజలు తిరస్కరించినట్లు సర్వేలో వెల్లడైంది. టీఆర్‌ఎస్‌కు గతంలో వచ్చిన సీట్ల కంటే ఎక్కువ స్థానాలు వస్తాయని తేలింది. తెలంగాణ సాధించిన క్రెడిట్‌ను అత్యధిక మంది కేసీఆర్‌కే ఇచ్చారు. తెలంగాణ రాష్ట్ర ఏర్పాటులో టీఆర్‌ఎస్‌ పార్టీ ప్రముఖ పాత్ర పోషించిందని 45.73 శాతం ప్రజలు తెలుపగా.. కాంగ్రెస్‌ పార్టీకి 32.90 శాతం ప్రజలు మద్దతు తెలిపారు. కాంగ్రెస్‌ పార్టీతో టీడీపీతో పొత్తు పెట్టుకోవడాన్ని 52.44 శాతం ప్రజలు వ్యతిరేకించినట్లు సర్వేలో వెల్లడైంది.

రాహుల్‌, మోదీలో ఎవరు ఉత్తమం? : రాహుల్‌ గాంధీ, నరేంద్ర మోదీలో ఎవరు బెట్టర్‌ లీడర్‌ అని అంటే.. 33.61 శాతం మంది మోదీ అని, 30 శాతం మంది రాహుల్‌ అని చెప్పారు. 5.91 శాతం మంది ఇద్దరూ బెస్ట్‌ అని చెప్పగా.. 25.28 శాతం మంది ఇద్దరు కాదని తెలిపారు.

LEAVE A REPLY

Please enter your comment!
Please enter your name here