తెలంగాణ కోసం చస్తా..

0

హైదరాబాద్‌ (ఆదాబ్‌ హైదరాబాద్‌): పోరాడి సాధింకున్న తెలంగాణను తన కంఠంలో ప్రాణం ఉండగా, ఎవరికీ బానిసను కానియ్యనని.. అవసరమైతే చస్తా అని ఆపద్ధర్మ ముఖ్యమంత్రి, టీఆర్‌ఎస్‌ అధ్యక్షుడు కేసీఆర్‌ చెప్పారు. అసలే ఓవైపు అధికారం పోయిందన్న కాంగ్రెస్‌ ఆంధ్రా నేతలతో చేతులు కలిపి, రెండు కత్తుల రూపంలో తెలంగాణలోకి వచ్చిందన్నారు. ఇప్పటివరకు తాను పోరాడానని, ఇకనుంచి తెలంగాణ ప్రజలు పోరాడాల్సి ఉంటుందని… ప్రజా కూటమిని తెలివితో దెబ్బ కొట్టాలని సూచించారు. ఎన్నికల్లో చివరి సభ నిర్వహించిన గజ్వేల్‌ సభలో కేసీఆర్‌ మాట్లాడుతూ.. ‘తెలంగాణ కోసం చేసిన పోరాటంలో కోమాలోకి పోతవని డాక్టర్లు హెచ్చరించినా వెనక్కి తగ్గలేదు. ఒక్కరోజు ఆగండి. నాకు దేవుడిపై నమ్మకం ఉందని డాక్టర్లకు చెప్పా. అదేరోజు రాత్రి తెలంగాణ ఏర్పాటు ప్రకటన వచ్చింది. కేసీఆర్‌ చావలేదు.. తెలంగాణ వచ్చిందని మీరు సంతోషపడ్డారు. అంతకష్టపడి తెచ్చుకున్న తెలంగాణను ఇనుపమూతి కాంగ్రెస్‌ గద్దలకు ఇవ్వొద్దు. రచయితలు, కవులు, మేధావులు, ఇతర ప్రముఖులు ఆలోచించి నిర్ణయం తీసుకోవాలి. మీరు నాకు మద్దతిస్తే నేను ఏదైనా సాధిస్తా. నేను ఒక్కడిని ఏం చేయలేను. భారత్‌లో ఇతర రాష్ట్రాలు తెలంగాణను చూసి ఆశ్చర్యపోయేలా అభివ ద్ధి చేశాం. చీకటి అవుతుందని బెదిరిం పులు ఎదుర్కొన్న తెలంగాణ నేడు తలసరి విద్యుత్‌ ఉత్పత్తిలో 29 రాష్ట్రాల్లో విద్యుత్‌ ఉత్పత్తిలో అగ్రస్థానంలో నిలిచింది. సొంత వనరులను వినియోగించుకుని అభివ ద్ధిలోనూ 17.17 శాతంతో దూసుకెళ్తున్న రాష్ట్రం తెలంగాణ. గుజరాత్‌, మహారాష్ట్ర, తమిళనాడు లాంటి రాష్ట్రాలు మనకు దరిదాపుల్లో కూడా లేవు. డబుల్‌ డిజిట్‌ కూడా 12 నుంచి 16 వేల కోట్ల ఆదాయం వస్తుంది. శ్రమిస్తేనే ఇది సాధ్యం. మైనింగ్‌ డిపార్ట్‌మెంట్‌లో ఇసుక ఉంటది. 10 ఏళ్ల కాంగ్రెస్‌ పాలనలో ఆదాయం 9.56 కోట్లు. టీఆర్‌ఎస్‌ పాలనలో ఇసుక మీద 2057 కోట్ల ఆదాయాన్ని సాధించాం. మైనింగ్‌ కార్పోరేషన చైర్మన్‌ సుభాష్‌రెడ్డి బాధ్యతలు సరిగ్గా నిర్వర్తించి సంపద పెంచారు. మరో టర్మ్‌ అధికారమిస్తే మొత్తం 10 వేల కోట్ల రూపాయాలు ఆదాయాన్ని తెలంగాణకు సాధించి పెడతాం. సంపద పెంచాలి. పేదలకు పంచాలి. కానీ చంద్రబాబు లాంటి దుర్మార్గుడు విద్యుత్‌ ఇవ్వకుండా అడ్డుకున్నాడు. చంద్రబాబు దుర్మార్గాలను వివరిస్తూ.. విభజన చట్టం అమలు చేస్తలేర ని చెబితే ప్రధాని నరేంద్ర మోదీకి చెబితే ముసిముసిగా నవ్వుతాడు. ఏపీ నుంచి చంద్రబాబు కరెంట్‌ ఇవ్వడు. ఇక్కడేమో తెలంగాణ అసెంబ్లీలో చంద్రబాబు కింద పనిచేసే బ్రోకర్‌ ఎమ్మెల్యేలు.. కరెంట్‌ కోతలు ఎత్తివేయాలని డిమాండ్‌ చేస్తారు. ఇలాంటి దుర్మార్గపూ రితంగా వ్యవహరించిన చంద్రబాబును మళ్లీ తెలంగాణలోకి ఆహ్వానిస్తారా. అన్ని వర్గాలతో పాటు రైతు సోదరులకు 24 గంటలు విద్యుత్‌ ఇచ్చే ప్రభుత్వం టీఆర్‌ఎస్‌ అని’ కేసీఆర్‌ ఉద్వేగభరితంగా ప్రసంగించారు.

LEAVE A REPLY

Please enter your comment!
Please enter your name here