Featuredరాజకీయ వార్తలు

నచ్చకపోతే ‘నోటా’ నొక్కండి – కేటీఆర్‌

హైదరాబాద్‌ (ఆదాబ్‌ హైదరాబాద్‌): యువకు లు, విద్యార్థులు కచ్చితంగా తమ ఓటు హక్కును వినియోగించుకోవాలని ఆపద్ధర్మ మంత్రి కేటీఆర్‌ సూచించారు. ఇంకా చెప్పాలంటే ఓటింగ్‌లో పాల్గొని, మీకు ఏ అభ్యర్థి నచ్చకపోతే నేరుగా నోటాకైనా ఓటేయాలని పిలుపునివ్వడం గమనార్హం. మైసమ్మగూడ, ధూలపల్లిలోని మల్లారెడ్డి కాలేజ్‌లో ఎన్నికల అవగాహనా కోసం ఏర్పాటుచేసిన కార్యక్రమంలో కేటీఆర్‌, నగర మేయర్‌ బొంతు రామ్మోహన్‌, ఎంపీ సీహెచ్‌ మల్లారెడ్డి పాల్గొన్నారు. ఈ సందర్భంగా కేటీఆర్‌ మాట్లాడుతూ.. భారత్‌ ప్రపంచంలోనే అతిపెద్ద ప్రజాస్వామ్య దేశమని, మంచి నేతలను ఎన్నుకునే అవకాశం మనచేతుల్లోనే ఉందన్నారు. ముఖ్యంగా యువత ప్రతి ఒక్కరూ తమ ఓటు హక్కును తప్పనిసరిగా ఉపయోగించుకునే మంచి ప్రయోజనాలు ఉంటాయని పేర్కొన్నారు. మీకు ఏ అ?భ్యర్థి నచ్చకపోతే వచ్చే నష్టమేమీ లేదని, నోటా అనే బటన్‌ నొక్కితే సరిపోతుందని చెప్పారు. సీమాంధ్రులను హైదరాబాద్‌ నుంచి పంపించేస్తారంటూ కొందరు అపోహలు స ష్టించారన్నారు. ప్రాంతాలుగా విడిపోయినా, అన్నదమ్ముల్లా కలిసుందామని గతంలో కేసీఆర్‌, టీఆర్‌ఎస్‌ నేతలు చెప్పిన విషయాన్ని గుర్తు చేశారు. నాలుగున్నరేళ్లు గడిచినా సీమాంధ్రులకు ఎలాంటి హాని జరగలేదని చెప్పారు. కొత్త రాష్ట్రంగా తెలంగాణ ఏర్పడ్డాక ఐటీ రంగం ఊపందుకుందన్నారు. ప్రముఖ గూగుల్‌, ఆపిల్‌, ఫేస్‌బుక్‌ వంటి సంస్థలు నగరానికి వచ్చాయని.. రాష్ట్ర ఐటీ ఎగుమతులు రూ.లక్ష కోట్లకు చేరాయని ఐటీశాఖ ఆపద్ధర్మ మంత్రి కేటీఆర్‌ తెలిపారు. ఐటీ ఎగుమతుల్లో బెంగళూరును అధిగమించాలన్నది తెలంగాణ ముందున్న లక్ష్యమని వివరించారు. దేశంలోనే అతిపెద్ద ఇంక్యుబేటర్‌ టీహబ్‌ను హైదరాబాద్‌లో ఏర్పాటు చేసి, కేవలం 15రోజుల్లోనే అన్ని పరిశీలించి పరిశ్రమల ఏర్పాటుకు అనుమతి ఇస్తున్నట్లు కేటీఆర్‌ వెల్లడించారు.

Show More

Related Articles

Leave a Reply

Your email address will not be published. Required fields are marked *

Back to top button
Close