Featuredజాతీయ వార్తలురాజకీయ వార్తలు

రాజస్థాన్‌ సీఎంగా గెహ్లాట్‌, డిప్యూటీగా సచిన్‌ పైలట్

మధ్యప్రదేశ్‌ :

మధ్యప్రదేశ్‌ సీఎంగా కమల్‌నాథ్‌ను ఎంపిక చేసిన కాంగ్రెస్‌ అధిష్టానం.. రాజస్థాన్‌ సీఎంగా అశోక్‌ గెహ్లాట్‌ను ఎంపి క చేసింది. సీఎం పదవి కోసం చివరి వరకూ రేసులో ఉన్న సచిన్‌ పైలెట్‌ను డిప్యూటీ సీఎం పదవికి ఎంపిక చేశారు. వాస్తవానికి మెజార్టీ ఎమ్మెల్యేలు ముఖ్యమంత్రిగా సచిన్‌ పైలెట్‌ అభ్యర్థిత్వం పట్ల సుముఖంగా ఉన్నారు. కానీ సీనియర్లకు ప్రాధాన్యం ఇవ్వాలన్న అధిష్టానం నిర్ణయంతో ముఖ్యమంత్రి పీఠం గెహ్లాట్‌నే వరించింది. అశోక్‌ గెహ్లాట్‌ను సీఎంగా, సచిన్‌ పైలెట్‌ను డిప్యూటీ సీఎంగా ఎన్నుకున్న విషయాన్ని కాంగ్రెస్‌ పార్టీ ట్విట్టర్‌ ద్వారా ప్రకటించింది. రాజస్థాన్‌ సీఎం అంటూ గెహ్లాట్‌ ఫొటోను ట్వీట్‌ చేసింది. గెహ్లాట్‌ గతంలో రెండుసార్లు రాజస్థాన్‌ సీఎంగా పని చేశారు. రాజస్థాన్‌, మధ్యప్రదేశ్‌ల ముఖ్యమంత్రి అభ్యర్థిత్వాన్ని ఖరారు చేయడం కాంగ్రెస్‌ పార్టీ తీవ్రంగా కసరత్తు చేసింది. రాజస్థాన్‌ సీఎం రేసులో ఉన్న అశోక్‌ గెహ్లాట్‌, సచిన్‌ పైలట్‌లతో రాహుల్‌ గాంధీ చర్చలు జరిపారు. గెహ్లాట్‌, సచిన్‌ పైలెట్‌ ఇద్దరూ రాజస్థాన్‌లో బలమైన నేతలు. రాజస్థాన్‌ పీసీసీ అధ్యక్షుడిగా ఉన్న పైలెట్‌.. పార్టీ విజయం కోసం అహర్నిశలు శ్రమించారు. సామాజిక వర్గాల పరంగా చూసుకున్నా.. సచిన్‌ పైలెట్‌ చివరి వరకూ గట్టిపోటీ ఇచ్చారు. గాంధీ కుటంబానికి దగ్గరి వ్యక్తయిన అశోక్‌ గెహ్లాట్‌ మాలి సామాజిక వర్గానికి చెందిన వారు. రాజస్థాన్‌లో వీరి ప్రాబల్యం ఎక్కువే. సచిన్‌ పైలట్‌ గుజ్జర్‌ సామాజిక వర్గానికి చెందిన యువ నేత. దీంతో గుజ్జర్ల ఓటు బ్యాంకును కాపాడుకోవడం కోసం సచిన్‌ పైలెట్‌ను డిప్యూటీ సీఎంగా ఎంపిక చేశారు.

Show More

Related Articles

Leave a Reply

Your email address will not be published. Required fields are marked *

Back to top button
Close