హైదరాబాద్‌లో డబుల్‌ చక్కర్లు .. ఉచిత ప్రయాణం

హైదరాబాద్‌ : హైదరాబాద్‌ రోడ్ల మీద మళ్లీ డబుల్‌ డెక్కర్‌ బస్సులు దర్శనమిస్తున్నాయి. కొద్ది రోజులుగా హుస్సేన్‌సాగర్‌ చుట్టూ మూడు ఎలక్టిక్ర్‌ డబుల్‌ డెక్కర్‌ బ స్సులు పరుగులు తీస్తున్నాయి. సందర్శకులు, వివిధ ప్రాంతాల నుంచి వచ్చే పర్యాటకులు ఈ బ స్సుల్లో ఉచితంగా ప్రయాణం చేయవచ్చు. గతేడాది ఫిబ్రవరిలో హెచ్‌ఎండీఏ ఎంతో ప్రతిష్టాత్మకం గా ఈ బస్సులను కొనుగోలు చేసింది. ఒక్కో బస్సు రూ.2.5 కోట్ల చొప్పున 3 బస్సులను ప్రవేశపె ట్టారు. కానీ చాలాకాలం వరకు ఈ బస్సులు పార్కింగ్‌కే పరిమితమయ్యాయి. నగరంలో వీటిని అందుబాటులోకి తెచ్చేందుకు పలు దఫాలుగా సర్వేలు నిర్వహించినప్పటికీ ఇప్పటి వరకు రూట్‌లను ఖరారు చేయలేదు. దీంతో పార్కింగ్‌కే పరిమితమైన ఈ బస్సులను ప్రస్తుతం సాగర్‌ చుట్టూ తిప్పుతున్నారు. సెక్రటేరియల్‌, అంబేడ్కర్‌ విగ్రహం, అమరుల స్మారకం ఏర్పాటు తర్వాత నెక్లెస్‌ రోడ్డుకు వచ్చే సందర్శకుల రద్దీ అనూహ్యంగా పెరిగింది. నగరవాసులే కాకుండా వివిధ రా ష్టాల్రకు చెందిన పర్యాటకులు, విదేశీ పర్యాటకులు సైతం నెక్లెస్‌ రోడ్డు, ట్యాంక్‌బండ్‌, పరిసరాలను సందర్శించేందుకు పెద్ద సంఖ్యలో తరలివస్తున్నారు. ఈ క్రమంలో సాగర్‌ చుట్టూ ఉన్న అన్ని ప్రాం తాలను సందర్శించేందుకు ఈ డబుల్‌ డెక్కర్‌ బస్సులు ఎంతో ప్రయోజనకరంగా ఉన్నాయి. ప్రస్తుతం సాగర్‌ చుట్టూ మూడు బస్సులు కూడా తిరుగుతున్నాయి. సంజీవయ్య పార్కు, థ్రిల్‌సిటీ, లేక్‌ఫ్రంట్‌ పార్కు, జలవిహార్‌, నీరాకేఫ్‌, పీపుల్స్‌ఎª`లాజా, ఇందిరాగాంధీ, పీవీల విగ్రహాలు, అంబే డ్కర్‌ 125 అడుగుల విగ్రహం తదితర ప్రాంతాలను సందర్శించిన అనంతరం సెక్రటేరియట్‌కు వెళ్లవచ్చు. అక్కడి బస్సు దిగి కొద్ది సేపు అమరుల స్మారకాన్ని సందర్శించి తిరిగి బస్సుల్లోనే ట్యాంక్‌బండ్‌ వైపు వెళ్లవచ్చు. అనంతరం ఈ డబుల్‌ డెక్కర్‌ బస్సులు ట్యాంక్‌బండ్‌ మీదుగా తిరిగి సంజీవయ్య పార్కు వరకు చేరుకొంటాయి. బస్సు మొదటి అంతస్తులో కూర్చొని ఈ రూట్‌లో ప్రయాణం చేయడం గొప్ప అనుభూతినిస్తుంది. ప్రతి రతి రోజు ఉదయం 10 నుంచి రాత్రి 10 గంటల వరకు డబుల్‌ డెక్కర్‌ బస్సుల్లో సాగర్‌ చుట్టూ విహరించవచ్చు. సాయంత్రం 5 గంటల నుంచే ఎక్కువ మంది ప్రయాణికులు డబుల్‌ డెక్కర్‌ సేవలను వినియోగించుకుంటున్నట్లు నిర్వా హకులు తెలిపారు. మరోవైపు శని, ఆదివారాలు, ఇతర సెలవు రోజుల్లోనూ డబుల్‌ డెక్కర్‌లకు డిమాండ్‌ కనిపిస్తోంది.