ఢిల్లీ మున్సిపల్ ఎన్నికల్లో ఆప్ విజయభేరి..  - కార్పొరేషన్ పీఠాన్ని సొంతం చేసుకున్న ఆమ్ ఆద్మీ పార్టీ

ఢిల్లీ మున్సిపల్ ఎన్నికల్లో ఆప్ విజయభేరి..  - కార్పొరేషన్ పీఠాన్ని సొంతం చేసుకున్న ఆమ్ ఆద్మీ పార్టీ

ఢిల్లీ మున్సిపల్ ఎన్నికల్లో ఆప్ విజయభేరి.. 
- కార్పొరేషన్ పీఠాన్ని సొంతం చేసుకున్న ఆమ్ ఆద్మీ పార్టీ
- 134 స్థానాల్లో ఘన విజయం సాధించిన ఆప్.. 

న్యూ ఢిల్లీ, 07 డిసెంబర్ ( ఆదాబ్ హైదరాబాద్ ) :
ఢిల్లీ మున్సిపల్ ఎన్నికల్లో ఆమ్ ఆద్మీ పార్టీ విజయం సాధించింది. ఇన్నాళ్లు ఢిల్లీ కార్పొరేషన్‌లో బీజేపీ హావానే సాగుతుంది. 15 ఏళ్లుగా బీజేపీనే కార్పొరేషన్ మేయర్ స్థానాన్ని ఆక్రమించింది. కానీ బుధవారం వెలువడిన మున్సిపల్ ఎన్నికల్లో ఫలితాల్లో ఆమ్ ఆద్మీ పార్టీ విజయ దుందుబి మోగించింది. తొలిసారి పూర్తిస్థాయి మద్దతుతో ఢిల్లీ కార్పొరేషన్ పీఠాన్ని సొంతం చేసుకుంది. డిసెంబర్ 4వ తేదీన ఢిల్లీ మున్సిపల్ కార్పొరేషన్‌లో 250 వార్డులకు ఎలక్షన్ జరిగింది. బుధవారం ఉదయం నుంచి ఓట్ల లెక్కింపు జరిగింది. ఈ ప్రక్రియలో ప్రారంభం నుంచి బీజేపీ, ఆప్ మధ్య హోరాహోరీ పోరు జరిగింది. కానీ ఆమ్ ఆద్మీ పార్టీనే విజయం సాధించింది. ఆమ్ ఆద్మీ పార్టీ 134 స్థానాల్లో గెలుపొందగా.. బీజేపీ 104 స్థానాల్లో విజయం సాధించింది. కాంగ్రెస్ పార్టీ తొమ్మిది స్థానాలకి పరిమితం అయింది. దీంతో ఆమ్ ఆద్మీ పార్టీ శ్రేణులు సంబరాలు చేసుకుంటున్నారు. పార్టీ ఆఫీస్ దగ్గర ఆప్ కార్యకర్తలు స్వీట్లు తినిపించుకుంటూ ఆనందంగా గడిపారు.

కాగా 1958లో ఢిల్లీ మున్సిపల్ కార్పొరేషన్ ఏర్పాటైంది. 2012లో మూడు కార్పొరేషన్లుగా ఏర్పాటు చేశారు. తిరిగి వాటిని ఈ ఏడాది విలీనం చేశారు. ఈ ఏడాది మే 22 నుంచి ఈ పద్ధతి అమల్లోకి వచ్చింది. అయితే ఢిల్లీ మున్సిపల్ పీటంపై 15 ఏళ్లుగా బీజేపీనే అధికారంలో ఉంటుంది. 2017లో జరిగిన మున్సిపల్ ఎన్నికల్లో బీజేపీ ఏకంగా 181 స్థానాల్లో విజయం సాధించగా.. ఆప్ 48 స్థానాల్లో గెలుపొందింది. ఈసారి మాత్రం ఆమ్ ఆద్మీ పార్టీ తిరుగు లేని విజయం కైవసం చేసుకుంది.

Tags :