ఎన్నికలొచ్చినప్పుడే
ఎక్కడలేని ప్రేమ
మా దళితుల మీద
మీకు ఇగురుపెడ్తది..
కులం పేరుతో ఒకడు
కుతికేపిస్కితే.. ఊరుపేరుతో ఇంకొకడు
ఉరేసి సంపుతున్నడు..
మా పేదల శవాలమీద
చిల్లర ఏరుకోనే చిల్లర కొడుకులై,
పచ్చని పల్లెల్ని పడాం చేస్తున్నరు..
మెడల చుట్టూ మీరేసే
కండువాలు పేదలను ఉరితీసే ఉరితాళ్లు..
మా భుజాలపై మోసేటి జెండాలు
మీరు తొక్కాలనుకునే ఉక్కు పాదాలు..
మా గొంతులో మోగేటి నినాదాలు
భవిష్యత్ తరమంత తల్లడిల్లే తండ్లాటలు…
తప్పక చదవండి
-Advertisement-