జేఈఈ మెయిన్‌-2కు 9.34 లక్షల దరఖాస్తులు

0

హైదరాబాద్‌ (ఆదాబ్‌ హైదరాబాద్‌): ఏప్రిల్‌ లో నిర్వహించనున్న పరీక్షలకు 9.34 లక్షల మంది అభ్యర్థులు హాజరుకానున్నారు. వీరిలో 3.14 లక్షల మంది అభ్యర్థులు కొత్తగా పరీక్ష రాయనున్నారు. పరీక్షలకు హాజరుకానున్న 9.34 లక్షల మంది అభ్యర్థులు.. వీరిలో 3.14 లక్షల మంది కొత్తవారు జేఈఈ మెయి న్‌ (ఏప్రిల్‌) 2019 పరీక్షకు దేశవ్యాప్తంగా 9.34 లక్షల మంది అభ్యర్థులు దరఖాస్తు చేసుకున్నారు. వీరిలో జనవరిలో నిర్వహించిన జేఈఈ మెయిన్‌-1 పరీక్ష రాసినవారే 72 శాతం మంది ఉన్నారు. వీరికి నేషనల్‌ టెస్టింగ్‌ ఏజెన్సీ (ఎన్టీఏ) ఏప్రిల్‌ 7 నుంచి 20 వరకు జేఈఈ మెయిన్‌-2 పరీక్షలు నిర్వహించనుంది. మొదటి విడదగా జనవరిలో నిర్వహించనిన పరీక్షలకు దేశవ్యాప్తంగా దాదాపు 6.69 లక్షల మంది అభ్యర్థులు హాజరయ్యారు. ఏప్రిల్‌లో నిర్వహించనున్న పరీక్షలకు 9.34 లక్షల మంది అభ్యర్థులు హాజరుకానున్నారు. వీరిలో 3.14 లక్షల మంది అభ్యర్థులు కొత్తగా పరీక్ష రాయనున్నారు. దేశవ్యాప్తంగా ఉన్న ఐఐటీలు, ఎన్‌ఐటీల్లో ఇంజినీరింగ్‌/ఆర్కిటెక్చర్‌ కోర్సుల్లో ప్రవేశానికి ఈ ఏడాది నుంచి రెండుసార్లు జేఈఈ మెయిన్‌ పరీక్ష నిర్వహిస్తున్నారు. మొదటి విడతగా జనవరిలో ఇప్పటికే పరీక్షల నిర్వహించారు. ఇక రెండో విడత పరీక్షలను ఏప్రిల్‌లో నిర్వహించనున్నారు. ఈ రెండు విడదల పరీక్షల్లో వచ్చిన మార్కులనే మెరిట్‌గా పరిగణించి ర్యాంకులు కేటాయిస్తుండటంతో జనవరిలో పరీక్షలు రాసినవారు మార్కులను పెంచుకోవడానికి ఏప్రిల్‌ పరీక్షలకు కూడా హాజరుకానున్నారు. జేఈఈ మెయిన్‌-2019 జనవరి సెషన్‌కు సంబంధించి నేషనల్‌ టెస్టింగ్‌ ఏజెన్సీ జనవరి 8 నుంచి 12 వరకు పరీక్షలు నిర్వహించారు. జేఈఈ మెయిన్‌ పేపర్‌-1 (ఇంజినీరింగ్‌) ఫలితాలను జనవరి 19న విడుదల చేశారు. పరీక్షలు పూర్తయిన వారం రోజుల్లోనే ఫలితాలను వెల్లడించడం విశేషం. పరీక్షలో మొత్తం 8,816 మంది అభ్యర్థులు 99 – 100 పర్సంటైల్‌ సాధించారు. కేవలం అభ్యర్థులు సాధించిన మార్కులనే ఎన్టీఏ వెల్లడించింది. ర్యాంకులను వెల్లడించలేదు. ఏప్రిల్‌లో నిర్వహించే జేఈఈ మెయిన్‌ పరీక్షల అనంతరం.. మెరిట్‌ ఆధారంగా మార్కులతోపాటు ర్యాంకులను కేటాయిస్తారు. ఏప్రిల్‌ 7 నుంచి 20 మధ్యకాలంలో జేఈఈ మెయిన్‌-2 పరీక్షలు నిర్వహిస్తారు. అనంతరం జేఈఈ మెయిన్‌ పేపర్‌-1 ఫలితాలను ఏప్రిల్‌ 30న, పేపర్‌-2 ఫలితాలను మే 15న వెల్లడించనున్నారు.

LEAVE A REPLY

Please enter your comment!
Please enter your name here