69,944..

0

న్యూ ఇయర్‌తో కలిసి పుట్టిన బిడ్డలు

ప్రపంచ రికార్డ్‌ సృష్టించిన ఇండియా

పుట్టిన రోజు, న్యూ ఇయర్‌ ఒకే రోజు వస్తే ఎలా ఉంటుంది? భలే ఉంటుంది కదూ! అందుకే, ప్రపంచంలో చాలామంది తమ పిల్లలు న్యూ ఇయర్‌ రోజు పుట్టేలా ప్లాన్‌ చేసుకుంటున్నారు. ఫలితంగా కొత్త ఏడాది భూమి పైకి వస్తున్న శిశువుల సంఖ్య క్రమేనా పెరుగుతోంది. ముఖ్యంగా ఇండియాలో ఈ సంఖ్య గణనీయంగా పెరుగుతోంది. ఇందుకు తాజా గణంకాలే నిదర్శనం. 2019 న్యూ ఇయర్‌ రోజున 69,944 మంది చిన్నారులు జన్మించారు. ప్రపంచవ్యాప్తంగా 3,95,000 మంది జన్మించగా.. ఇందులో 18 శాతం మంది ఇండియాలోనే పుట్టడం గమనార్హం. ఆ తర్వాత చైనా, పాకిస్తాన్‌, అమెరికా, బంగ్లాదేశ్‌లు ఉన్నాయి. యునిసెఫ్‌ రిపోర్ట్‌ ప్రకారం న్యూ ఇయర్‌ రోజున ఇండియాలోనే అత్యధిక చిన్నారులు జన్మించారని పేర్కొంది.

ఏ దేశంలో ఎంత మంది?

ఇండియా – 69,944, చైనా – 44,940, నైజీరియా – 25,685, పాకిస్తాన్‌ – 15,112, ఇండోనేషియా – 13,256, అమెరికా – 11,086, డెమొక్రటిక్‌ రిపబ్లిక్‌ ఆఫ్‌ కాంగో – 10,053, బంగ్లాదేశ్‌ – 8,428, సిడ్నీ నగరంలో 168, టోక్యోలో 310, బీజింగ్‌లో 605 మంది చొప్పున జన్మించారని యునిసెఫ్‌ ఇండియా ప్రతినిధి డాక్టర్‌ యస్మిన్‌ అలీ హకీ తెలిపారు. వివిధ కాలమానాల ప్రకారం.. ప్రపంచంలో కొత్త సంవత్సరం రోజున దక్షిణ పసిఫిక్‌లోని ఫిజీ దేశంలో మొదటి బిడ్డ, అమెరికాలో చివరి బిడ్డ పుడతారు. 2018, జనవరి 1వ తేదీన 3,86,000 మంది జన్మించారు. ఈ ఏడాది 3,95,000 మంది జన్మించారు.

LEAVE A REPLY

Please enter your comment!
Please enter your name here